Ruma 8:1 - Manobo Western Bukidnon

¹ Ne sikita is nekidsevaha ki Jesu Kristu, kenè ki en egkehukuman te silut.

Ruma 8:1 Кръстосани препратки

Juan 14:20

Ne zutun te andew te kedlikui ku keniyu, egketuenan niw he siak, diyà a te Amey ku wey is Amey ku, dini zaan te kediey, ne sikiyu, dini kew te kediey ne ziyà a zaan te keniyu.

Juan 15:4

Kenè kew suwey kediey iring te kenà a zaan edsuwey keniyu. Wazà subpang he ebpekepemeg̵as ke ebpekesuwey ziyà te lawa te pinemula, ne sikiyu zaan, emun edsuwey kew kediey kenè kew ebpekepemeg̵as.

Juan 5:24

Utew venar is egkeg̵iyen ku he is minsan hentei he ebpemineg te menge lalag ku ne edtuu te Megbevayà he midsug̵ù kediey zini, iyan ebpekeangken te untung he wazà pidtemanan. Kenà sikandin keuzemà edsilutan su nekelikey en te kemetayen is gimukud din wey naangken din en is untung he wazà pidtemanan.

Ruma 16:3

Ipengemusta a ki Priscila wey si Ekilu. Menge timbang ku sikandan te kedtumana ku te ebpeveelan kedì ni Jesu Kristu.

Ruma 16:7

Ipengemusta a zaan ki Andruniku wey si Hunias. Menge zuma ku sikandan he Hudiyu he mibpirisu zuma kedì. Telehuzen sikandan te menge epustul, ne nehuna sikandan neketuu ki Kristu, ne human a.

Ruma 5:1

Guntaan, tenged te midtuu ki en ki Jesus, mid-isip ki en te Megbevayà he metazeng he iring te wazè ki keenu mekesalà, ne tenged kayi pinaag̵i te mid-ulaula te Nengazen tew he si Jesu Kristu melinew en is kedepitè tew te Megbevayà.

Ruma 5:16

Ne iring din ded daan, is nehimu ni Jesus tenged te kebmetazeng he edhimuwen te Megbevayà, ne kenè man iring te nehimu te kedsupak te sevaha he etew he si Adan. Su tenged te kedsupak ni Adan te kesevaha zà, ne midhukuman is tivuuk he menusiyà he edsilutan te kemetayen. Ne zutun te timpu he utew en mezakel is menge kedsupak te menge etew, impaahà te Megbevayà is gag̵ew zin ne midhimu zin is paag̵i wey kiw zin meisip he metazeng he iring te wazè kiw mekesupak.

Ruma 7:17

Ne emun iyan haazà, ne kenà a iyan ed-ulaula zutun te mezaat, kekenà, iyan is daan he menge mezaat he kebayà te lawa ku ed-ulaula zutun.

Ruma 7:20

Ne emun ed-ul-ulahan ku is kenè ku pezem ed-ul-ulahan, ne kenà a iyan ed-ulaula kayi, kekenà, iyan is mezaat he kebayà te lawa ku he iyan ebpuunan dutun te mezaat he ulaula.

Ruma 8:11

Is Megbevayà, ne iyan mibanhew ki Jesu Kristu. Ne emun dini ed-ubpà te kenita is Wag̵as he Mulin-ulin he midsug̵ù din, ne ebenhawen ki zin daan pinaag̵i te Mulin-ulin he zini ed-ubpà te kenita.

Ruma 8:14

Su emun ed-eg̵aken is minsan hentei te Wag̵as he Mulin-ulin tutuu en he anak sikandin te Megbevayà.

Ruma 8:2

Su pinaag̵i te kebpekidsevaha ta ki Jesu Kristu imbeg̵ey kenita te Wag̵as he Mulin-ulin is beg̵u en he untung ne tenged kayi nelibri ki en te kebpekesalè ta he iyan edungguan din is kemetayen he wazè din pidtemanan.

Ruma 8:34

Ne wazà daan ebpekekag̵i he zait ki he edsilutan su edtevangan ki ni Jesu Kristu. Minatey sikandin he elili kenita ne kenà duen dà taman, su nevanhew en daan. Ne g̵untaan utew sikandin lavew su ziyà sikandin ebpinuu te zapit te egkekewanan te Megbevayà ne edtevangan ki zin diyà te etuvangan te Megbevayà.

Ruma 8:4

Umba mid-ulaula heini te Megbevayà su wey ki meketuman te hustu sumalà is insug̵ù te kesug̵uan. Ne egkehimu heini su wazè en kinahanglan he edtumanen ta is mezaat he suat te lawa ta, kekenà, ebpeketuman ki te hustu su edtevangan ki te Wag̵as he Mulin-ulin.

Ruma 8:9

Ne sikita mulà, kenè ki en ebeyveyaan te mezaat he suat te lawa ta su emun dini ed-ubpà te kenita is Wag̵as he Mulin-ulin ebeyveyaan ki te Wag̵as he Mulin-ulin. Ne ke zuen etew he wazà diyà te kandin is Wag̵as he Mulin-ulin he midsug̵ù ni Kristu, kenà sikandin sakup ni Kristu.

1 Kurintu 1:30

Ne minsan pa zutun, midhimu te Megbevayà he mesevaha si Jesu Kristu wey sikitew ne midhimu zin daan he zuen ketau tew he ebpuun te ki Kristu. Ne pinaag̵i ki Kristu mid-isip kiw en he metazeng te Megbevayà ne nehimu kiw en daan he menge g̵aked te Megbevayà, ne nevelukasan kiw zin te kegkeuripen tew te mezaat he ulaula.

1 Kurintu 15:22

Ebpematey is tivuuk he menusiyà su g̵eina te nepengevilin tew te kepuun tew he si Adan is kemetayen. Ne iring din ded daan sikitew is langun he nesakup ki Kristu, egkengevanhew kiw keuzemà su iyan daan nesunud tew puun te egalen tew he si Kristu.

2 Kurintu 12:2

Dengan, duen tumutuu he nekilala ku he mibpengelinteuwan he mekepenumbaley sikandin diyà te utew metikang he langit he ed-ubpaan te Megbevayà. Sepulù en wey heepat he tuig heini is kegkehitavù kayi. Wazè ku metueni ke nekehendiyè be is lawa zin wey ke impeehè dè be heini kandin te Megbevayà pinaag̵i te teg̵einep; iyan dà nesayud kayi is Megbevayà.

2 Kurintu 5:17

Ne sikan is etew he nekidsevaha en ki Kristu, beg̵u en sikandin he linimbag. Nahanew en diyà te kandin is daan he netag̵ù te isip din ne mid-ilisan en heini te veg̵u.

Gelasya 3:13

Minsan pa te nesupak te en is kesug̵uan, nelibri ki ni Jesus te silut su midrewakan en si Jesus he elili kenitew zutun te kedrensanga kandin te krus, su zuen insurat he Lalag te Megbevayà he edhenduen te, “Ke zuen etew he edhimetayan ne idtaud te impasek he kayu ne tuus heini te rawak kandin te Megbevayà.”

Gelasya 3:26

Ne g̵eina te iyan haazà, nehimu kew en pudu he menge anak te Megbevayà tenged dà te kedtuu niw ki Jesu Kristu.

Gelasya 3:28

Ne tenged dutun kinahanglan he kenè niw isipa he ibpelavi te Megbevayà is menge Hudiyu, ne emun kenà, ne iyan is kenà menge Hudiyu, su ziyà te kandin neked-iiring is langun he menge etew, uripen se kenà uripen, maama se vahi, ne sikiyu zaan, neked-iiring kew ziyà te Megbevayà su neked-iiring kew he edtuu ki Jesu Kristu.

Gelasya 5:16

Iyan heini sug̵ù ku keniyu: pevayàbayè kew te Wag̵as he Mulin-ulin su emun ed-ul-ulahan niw heini, kenà egkehimu he egketuman niw is mezaat he kebayà te lawa niw.

Gelasya 5:25

Ne is Wag̵as he Mulin-ulin, geina te mibeg̵ayan ki zin te veg̵u en he untung, kinahanglan he ebpevayàbayè ki zaan kandin.

Ipisu 1:1

Iyan a si Pablo is teg̵isurat kayi. Nehimu a he epustul ni Jesu Kristu, he ke và dà egkeg̵iya, midsug̵ù e zin, tenged te iyan egkesuatan te Megbevayà. Ibpeuwit ku heini is surat diyan te inged he Ipisu, diyan te keniyu te menge tumutuu he menge metinumanen te menge sug̵ù ni Jesu Kristu.

Pilipus 3:9

su wey a zaan meisip te Megbevayà he metazeng tenged ki Kristu. Wazà a meisip he metazeng pinaag̵i te kediey zà he ulaula te kedtumana te kesug̵uan, su mibpeketazeng a te Megbevayà pinaag̵i te kedtuu ku ki Kristu. Heini is kebmetazeng, ne idtuvad kenita te Megbevayà emun edtuu ki ki Kristu.