Ruma 7:9 - Manobo Western Bukidnon

⁹ Hein aney, wazè ku metueni ke hengkey is kesug̵uan, ne zutun, henduen be te wazè ku salà. Ne hein impenurù kedì is kesug̵uan, netuenan ku he mezaat bes is menge ulaula ku. Ne tenged kayi nesavut ku he ziyè e ves ebpekezunggù te kemetayen he wazè din pidtemanan!

Ruma 7:9 Кръстосани препратки

Mateo 19:20

Ne migkag̵i haazà is etew te, “Is langun keniyan, ne mibentayan ku; hengkey pa is kurang ku he ebpeveelan kedì?”

Lucas 15:29

Ne midtavak haazà is anak din te, ‘Tenuzi nu, Amà, ke sengemenu is keug̵et te kedterebahu ku kayi he iring te sulug̵uen nu. Wazè nu egketenuzan he sug̵ù nu he wazè ku pemineg̵a te minsan hengkey he timpu. Ne minsan pa zutun ne wazà a kenikew veg̵ayi te minsan kambing dà duen wey a mekelipeylipey zuma te menge emig̵u ku.

Lucas 18:21

Ne midtavak haazà is maama ziyà te ki Jesus, ke sikandin te, “Menunudlù, is langun keniyan, mibenteyanan ku ne wazè ku nesupak puun pa te vatè e pa.”

Ruma 10:5

Iyan, duen insurat he lalag ni Moises mehitenged te kebpeketezenga te etew pinaag̵i te kedtumana te kesug̵uan he edhenduen te, “Is etew he iyan edserig̵an din is kedtumana zin te kesug̵uan, ne egkeveg̵ayan sikandin te untung he wazà pidtemanan emun wazà minsan hengkey he sayep dutun te kebpurungi zin kedtumana te minsan hengkey he insug̵ù dutun te kesug̵uan,” ke si Moises.

Ruma 7:10

Umba nehimu is kesug̵uan he imbeg̵ey te Megbevayà su wey mekeangken is menge etew te untung he wazè din pidtemanan emun kenè dan edsupaken. Iyan, nehimu en he iyan idsiluti kedì is kesug̵uan su nesupak ku.

Ruma 7:11

Henduen be te mid-ekalan a te mezaat he ulaula su pinaag̵i te mezaat he ulaula ku he supak te kesug̵uan, human ku mesavut he nehukuman ed bes te kemetayen he wazè din pidtemanan.

Ruma 7:4

Ne iring din ded daan, menge suled, heini is nehitavù kenitew su zutun te kebpatey ni Kristu he elili kenitew, ne mibpatey ki zaan, ne tenged kayi kenè en egkehimu he ibpetuman kenita te minatey en is menge sug̵ù he imbilinbilin ni Moises. Ne umba nehimu heini su wey kiw mesakup ni Kristu he nevanhew en ne wey tew metuman is egkesuatan te Megbevayà.

Ruma 7:6

Ne hein nemeketuu kiw ki Jesus, nelibri kiw te Megbevayà ne wazè en kinahanglan he iyan tew pa edserig̵an is kedtuman te kesug̵uan, su zutun te kebpatey ni Jesus minatey kiw zaan ne nevelukasan kiw te kegkeuripen kenitew te salà. Ne g̵untaan beg̵u en is paag̵i te ked-ul-ulaha tew te egkesuatan te Megbevayà su pinaag̵i heini te kedtavang te Wag̵as he Mulin-ulin, ne kenè en pinaag̵i te zaan he paag̵i he iyan is kenitew he kedtumana te insurat he kesug̵uan.

Ruma 7:8

Daan dini te kedì is kebpekesalà, ne hein impesavut kediey pinaag̵i te kesug̵uan he salà is kegkeima, mid-iseg is kegkeima ku ne mid-iseg daan is kebpekesalè ku. Su emun wazà kesug̵uan he egkesupak ta, wazà daan egketuenan ta he salà.

Ruma 8:7

Emun ebeyveyaan is isip te etew te menge mezaat he kebayà te lawa zin, kuntada sikandin te Megbevayà su kenè din edtumanen is menge sug̵ù te Megbevayà. Ne kenà duen dà taman su kenà egkehimu he egketuman din.

Gelasya 2:19

Siak, nesavut ku en he kenà a egkeveg̵ayan te untung he wazè din pidtemanan pinaag̵i te kedtumana ku te kesug̵uan, ne tenged dutun mid-engkezan ku is kedsarig ku te kedtumana ku te kesug̵uan su wey ku iyan metuman is menge sug̵ù te Megbevayà.

Gelasya 3:10

Iyan, is minsan hentei mulà he edsarig te kedtumana te kesug̵uan he imbilinbilin ni Moises, nesug̵at en te rawak te Megbevayà su zuen insurat he Lalag te Megvevayà he edhenduen te, “Is minsan hentei he kenà din egkepurung egketuman is minsan hengkey he sug̵ù he insurat dutun te kesug̵uan, ne nesug̵at en sikandin te rawak te Megbevayà.”