Ruma 7:7 - Manobo Western Bukidnon

⁷ Ne kunaan te zuma ke zutun ebpuun te kesug̵uan is menge mezaat he ulaula! Iyan, kenà dutun ebpuun su zaan is ulaula he mezaat dini te kenita. Is kesug̵uan, ne iyan ebpesavut kenita ke hengkey is mezaat he ulaula. Su emun wazà izawey ziyà te kesug̵uan is kegkeima, ne wazè ku g̵eina metueni he mezaat bes is kegkeima he zaan dini te g̵ehinawa ku.

Ruma 7:7 Кръстосани препратки

Mateo 5:28

Ne iyan kedì he penurù is: ke zuen minsan hentei he maama he edtengteng dà te vahi he kenè din esawa ne egkeerig̵an en dutun, ne haazà is maama, nekesalè en dutun te esawa zin.

Lucas 12:15

Ne migkag̵i si Jesus diyà te menge etew te, “Purungi niw ventayi is ulaula niw su wey wazà keleleg̵ed diyan te keniyu. Su is ibmeupiya te untung te etew, kenà ebpuun te mezakel he menge azen.”

Lucas 20:16

Iyan is: ebeyaan din haazà is menge etew ne ebpenhimetayan din, ne ebpeelimahan din haazà is perasan din te selakew en maan he menge etew.” Ne hein nezineg dutun te menge etew he ebpemineg ki Jesus ne utew zan neseeng ne ke sikandan te, “Kenà heeyan ed-ul-ulahan te Megbevayà!”

Nengeulaula 20:33

Is selapì wey minsan manggad te minsan hentei keniyu, kenà iyan tuyù ku.

Ruma 13:9

Su zuen insurat dutun te kesug̵uan he edhenduen te, “Kenè niw selselai is esawa niw; ne kenè kew pemumunù; ne kenè kew penakew; ne kenè niw isipa he egkesuatan niw is azen te zuma he etew.” Ne heini is menge sug̵ù wey is duma pa, ne egketuman ta heini is langun ke edtumanen ta is sug̵ù he edhenduen te, “Kinahanglan he mahala nu is duma nu ziyà te g̵ehinawa nu; irepeng nu sikandin te kenikew he g̵ehinawa.”

Ruma 3:20

Su wazà minsan hentei etawa he egkeisip te Megbevayà he metazeng pinaag̵i te kedtumana zin te kesug̵uan su layun din egkesupak is kesug̵uan. Umba imbeg̵ey is kesug̵uan su wey tew mesavut he mesinupaken kiw ves te menge sug̵ù te Megbevayà.

Ruma 3:5

Ne zuen menge pilusupu he etew he egkag̵i te, “Emun ed-ulaula ki te mezaat, meupiya zaan haazà su emun egkeisip te menge etew is menge ulaula ta he mezaat, wey is menge ulaula te Megbevayà, siguradu egkesavut dan he utew mulà meupiya is menge ulaula te Megbevayà ne ebpekezalig dan te Megbevayà, ne utew haazà meupiya. Ne emun,” ke sikandan, “nehimu is meupiya tenged te mezaat he mid-ulaula ta, kenà metazeng is kedsiluti kenita te Megbevayà tenged te mid-ulaula ta he mezaat.” Ne pilusupu is menge lalag he iring kayi.

Ruma 4:1

Penenglitan si Abraham is kepuun dey te menge Hudiyu, hengkey is netuenan din?

Ruma 4:15

Ne kenè kiw egkezeyzey pinaag̵i te kesug̵uan, su is kesug̵uan, ne iyan mulà igkepeuki kenitew te Megbevayà su kenè tew egketuman. Angin ke wazà kesug̵uan su kenà egkehimu he zuen egkesupak ta.

Ruma 5:20

Ne umba imbeg̵ey te Megbevayà is kesug̵uan su wey med-iseg is kegketueni te menge etew te kezekelà te kedsupaka zan kandin. Ne zutun te mid-iseg mebmezakel is menge kedsupak, impeiseg ipezekelà te Megbevayà is gag̵ew zin te menge etew.

Ruma 6:15

Ne kunaan buwa te zuma ke tenged te kenè en kinahanglan he tumana te pa is kesug̵uan, wey tenged te ingkeg̵ag̵ew ki te Megbevayà, ne egkehimu he ebpeniguduwan te pa is ked-ulaula ta te mezaat, iyan, kenà iyan haazà egkehimu.

Ruma 7:11

Henduen be te mid-ekalan a te mezaat he ulaula su pinaag̵i te mezaat he ulaula ku he supak te kesug̵uan, human ku mesavut he nehukuman ed bes te kemetayen he wazè din pidtemanan.

Ruma 7:13

Ne emun meupiya is kesug̵uan, kela ke ebpekekag̵i ki he tenged te meupiya, he ke và dà egkeg̵iya, tenged te kesug̵uan, nehukuman ad te kemetayen he wazè din pidtemanan. Ne kenà iyan haazà su tenged te mezaat he mid-ulaula ku, midhukuman ad te kemetayen su wey ikepesavut kediey he utew mezaat is kedsupaka ku te kesug̵uan.

Ruma 7:5

Su zengan hein kemulu tew pa edtumana is kenitew he kebayà, duen menge ulaula he indawey te kesug̵uan, ne tenged te indawey heini, ne nasì nehimu he iyan daan heini utew tew egkesuatan te ed-ulaula. Ne tenged te mid-ulaula tew is iring dutun, iyan dà egkepaabut tew zengan is kemetayen he wazè din pidtemanan.

Ruma 7:8

Daan dini te kedì is kebpekesalà, ne hein impesavut kediey pinaag̵i te kesug̵uan he salà is kegkeima, mid-iseg is kegkeima ku ne mid-iseg daan is kebpekesalè ku. Su emun wazà kesug̵uan he egkesupak ta, wazà daan egketuenan ta he salà.

1 Kurintu 15:56

Umba egkehandek is menge etew te kemetayen su netuenan dan he emun ebpatey zan edsilutan sikandan tenged te mekesesalà sikandan. Ne maan is mekesesalà sikandan? Su g̵eina te nekesupak dan te kesug̵uan te Megbevayà.

Ipisu 5:3

Ne g̵eina te menge sakup kew te Megbevayà kinahanglan he kenè niw ul-ulaha is keleleg̵ed wey is minsan hengkey he ulaula he meremerik. Kenè niw hileveti is kenè niw esawa. Minsan is ked-isipa wey kegkeg̵iya kayi ne kenè niw ul-ulaha.

Kulusas 3:5

Umba, menge suled, kenè niw en itug̵ut he tumana niw is mezaat he kebayè niw; kenè niw ul-ulaha is mahawag wey meremerik he ulaula ne kenè niw mehimuwa he zuen suat niw te kenè niw esawa; engkezi niw is mezaat he ulaula wey is keleleg̵ed su emun leg̵ezen ki te menge azen, henduen be te egkeilisan dini te g̵ehinawa ta is tutuu he Megbevayà te menge azen.

1 Tiselunika 4:5

ne kenà tenged te egkeveyveyaan sikandin te suat te lawa zin, su iyan heeyan egkeulaula te menge etew he wazà medtuu te Megbevayà.

Hibriyuhanen 7:19

su kenà egkehimu he ed-isipen kiw he metazeng pinaag̵i te kedtumana kayi. Ne tenged kayi, imbeg̵ey en kenitew te Megbevayà is meupiya pa he egkeserig̵an he paag̵i. Ne pinaag̵i kayi, egkehimu he pinaag̵i te ked-azap tew ebpekeetuvang kiw en te Megbevayà.