Ruma 7:18 - Manobo Western Bukidnon

¹⁸ Netuenan ku he wazà minsan hengkey he meupiya he zini ebpuun te mezaat he kebayà te lawa ku, su minsan ke egkesuatan ku te ed-ulaula is meupiya, kenè ku egkeulaula.

Ruma 7:18 Кръстосани препратки

Mateo 15:19

Su ziyà te g̵ehinawa te etew ebpuun is menge meezaat he isip he utew igkeepes te Megbevayà iring te kebunù, kedhilavet te kenè din esawa, meremerik he ulaula, kebpenakew, kedtarùtarù diyà te hukmanan, wey is kebpenudtul zin te tarù wey mezeeti is dengeg te sengeeetew.

Lucas 11:13

Ne sikiyu is menusiyà he kenà memetazeng, emun meupiya is ibeg̵ey niw ziyà te menge anak niw, iyan pe be is Amey tew he Megbevayà diyà te langit kenà mebeg̵ey keniyu te Wag̵as he Mulin-ulin ke ebuyuen niw.”

Juan 3:6

Is id-anak pinaag̵i te etew, ne etew zà daan, iyan, is id-anak pinaag̵i te g̵ehem te Wag̵as he Mulin-ulin, diyà ed-ubpà te kandin is Wag̵as he Mulin-ulin.

Ruma 13:14

Ne idsun-ud ta is Nengazen tew he si Jesu Kristu, he ke và dà egkeg̵iya, ed-ul-ulahan ta is ulaula zin. Ne kenè te en maan ed-isipen is kedtumana te menge mezaat he kebayà te lawa ta.

Ruma 7:15

Ne kenè ku egkesavut ke maan is ed-ul-ulahan ku is iring kayi su is meupiya he egkesuatan ku he meulaula ku, kenè ku egkeulaula. Ne is menge mezaat he ulaula he utew ku igkeepes, ne iyan ed-ul-ulahan ku.

Ruma 7:19

Su is ed-ul-ulahan ku, ne kenà iyan sikan is meupiya he egkesuatan ku, kekenà, iyan is mezaat he igkeepes ku he ed-ul-ulahan ku.

Ruma 7:25

Ne utew zekelà is kebpeselemati ku te Megbevayà su pinaag̵i te Nengazen tew he si Jesu Kristu nevelukasan e en! Ne egkesavut niw en is egkeulaula ku. Su sakup is gehinawa ku te Megbevayà, ne is lawa ku, ne sakup mulà te mezaat he kebayè din.

Ruma 7:5

Su zengan hein kemulu tew pa edtumana is kenitew he kebayà, duen menge ulaula he indawey te kesug̵uan, ne tenged te indawey heini, ne nasì nehimu he iyan daan heini utew tew egkesuatan te ed-ulaula. Ne tenged te mid-ulaula tew is iring dutun, iyan dà egkepaabut tew zengan is kemetayen he wazè din pidtemanan.

Gelasya 5:17

Kenà egkeuyun is mezaat he kebayà te lawa ta wey is egkesuatan te Wag̵as he Mulin-ulin su telekuntada heini is dezuwa, ne tenged dutun kenè ta layun egkeveelan is meupiya he egkesuatan ta.

Gelasya 5:24

Ne is minsan hentei he migaked en ni Jesu Kristu, ne iring te inransang din en te krus is mekesesalà he lawa zin, he ke và dà egkeg̵iya, mid-engkezan din en is menge mezaat he kebayè din wey egkesuatan din.

Pilipus 2:13

Su layun edtavang keniyu is Megbevayà wey niw mesuati ne wey niw mehimu is kedtumana te tuyù din diyan te keniyu.

Pilipus 3:12

Kenè ku iyan ibpesavut kayi he netuman en dini te kedì heini is langun wey ke nehimu e en he etew he wazè en duen igkesawey, kekenà, ebpenigudu a wey heini metuman su iyan heini tuyù ni Jesu Kristu zutun te kedhimuwa zin kedì he sakup din.

Tito 3:3

Su sikita zaan is tumutuu, engey ki zengan wey mesinupaken ki te Megbevayà su wazè ta meturedu is tutuu he ibayà. Nengeuripen ki te menge mezaat he kebayà te lawa ta wey te menge kelipey he kenà meupiya. Neteg̵eb dengan is isip ta te kelelalung wey kesina. Nepeukan ki te menge etew ne nepeukan ta zaan sikandan.

1 Pedro 4:2

Ne tenged kayi, puun dutun taman te kebpatey zin egkehimu he kenè din en human edtumanen is mezaat he kebayà te lawa zin, kekenà, iyan din edtumanen is egkesuatan te Megbevayà.