Ruma 7:12 - Manobo Western Bukidnon

¹² Is kesug̵uan, diyà ebpuun te Megbevayà, ne is langun he menge sug̵ù dutun, menge sug̵ù te Megbevayà, ne kenà haazà mezaat, kekenà, meupiya wey metazeng.

Ruma 7:12 Кръстосани препратки

Ruma 12:2

Kenè niw iringi is menge ulaula te menge etew he kuntada te Megbevayà, kekenà, itug̵ut niw he helina kew te Megbevayà pinaag̵i te kebeg̵uwa zin te isip niw. Ne zutun egkesavut niw human is egkesuatan te Megbevayà, he ke và dà egkeg̵iya, egkesavut niw ke hengkey is menge ulaula he metazeng he egkesuatan he kenà egkesewayan te Megbevayà.

Ruma 3:31

Ibpesavut ku he iyan dà ketezengan ke maan is ed-isipen ki zin he metazeng is kedtuu ta, iyan, kenè niw isipa he tenged kayi wazè en pulus te menge sug̵ù te Megbevayà su tenged te kedtuu ta ki Jesus, hustu en dutun is kegketumana ta te menge sug̵ù din.

Ruma 7:14

Netuenan tew he meupiya is kesug̵uan su imbeg̵ey te Wag̵as he Mulin-ulin. Iyan, siak, geina te edtumanen ku is menge mezaat he suat te lawa ku ne nehimu a he iring te uripen te menge mezaat he kebayà.

Ruma 7:16

Ne emun nekesupak a te kesug̵uan, iyan, kenè ku pezem egkesuatan he mesupak ku, ne heini is kenè ku kegkesuat, ne iyan tuus he zini te isip ku meupiya is kesug̵uan.

1 Timoteo 1:8

Netuenan ta he meupiya is kesug̵uan he imbilinbilin ni Moises ke hustu is kegemita ta kayi.