Ruma 5:4 - Manobo Western Bukidnon

⁴ Ne emun meinentusen ki, igkesuat heini te Megbevayà, ne emun netuenan ta he igkesuat te Megbevayà is menge ulaula ta, ne kenà ebperis he zuen meupiya he egkeperateng ta.

Ruma 5:4 Кръстосани препратки

Lucas 21:19

Hamen kew is edsarig kediey su pinaag̵i kayi egkeangken niw is untung he wazà pidtemanan.”

Ruma 15:4

Su is minsan hengkey he insurat dengan he Lalag te Megbevayà, ne umba impesurat din su wey kiw mepenurù. Su pinaag̵i te Lalag te Megbevayà ibpenurù kenitew is kebmeinentusen te kemereg̵enan wey edsembag̵an kiw su wey kenà maawà is kebpeebuta tew te meupiya he egkeulaula keuzemà.

Pilipus 2:22

Si Timoteo, netuenan niw he hustu is menge ulaula zin. Iring sikandin te tutuu he anak ku te kedtevangi zin kedì te kedsengyawa kayi te Meupiya he Tudtulanen.

Hibriyuhanen 6:19

Ne utew mezesen wey nelig-enan heini is kebpeebuta tew he edtumanen te Megbevayà is penaad din su iyan edserig̵an tew is Megbevayà. Ne si Jesus, ne nehimu en sikandin he zatù tew ne ziyè en sikandin te etuvangan te Megbevayà. Ne nehimu en si Jesus he lavew he memumuhat tew he wazè din pidtemanan he iring te memumuhat dengan he si Milkisidik.

Santiago 1:12

Utew zeyzey is etew he ebpurung ed-antus te penggezam kandin su emun egkeahà he hustu is kedtuu zin, ebeg̵ayan sikandin te untung he wazà pidtemanan he iyan impenaad te Megbevayà diyà te langun he ebmahalen dan sikandin diyà te g̵ehinawa zan.

1 Pedro 5:10

Mevavè dà is ked-antus niw ne edheg̵eten te Megbevayà is kedsarig niw kandin. Ebig̵eran kew zin, edlig-enan kew zin wey ebeg̵ayan kew zin te zesen. Iyan sikandin puunà te minsan hengkey he tavang kenitew. Midhimu kiw zin he tumutuu su wey pinaag̵i te kebpekidsevaha tew ki Kristu mekeambit kiw te wazà pidtemanan he utew kegkelavew zin.