Ruma 4:5 - Manobo Western Bukidnon

⁵ Ne kenà iring dutun is ked-isipa te Megbevayà kenita he metazeng su g̵ag̵ew zà kenita. Umba mid-isip ki te Megbevayà he metazeng, kenà tenged te midtuman ta is mibpeveelan din kenita, kekenà, tenged dà te midtuuwan ta sikandin is ebpekehimu he mebmetazeng is menge mesinupaken.

Ruma 4:5 Кръстосани препратки

Marcos 9:23

Ne midtavak si Jesus te, “Maan is id-insè nu ke zuen egkehimu ku? Ibeg̵ey te Megbevayà is minsan hengkey he ebuyuen te etew he zuen din kedtuu te Megbevayà.”

Juan 5:24

Utew venar is egkeg̵iyen ku he is minsan hentei he ebpemineg te menge lalag ku ne edtuu te Megbevayà he midsug̵ù kediey zini, iyan ebpekeangken te untung he wazà pidtemanan. Kenà sikandin keuzemà edsilutan su nekelikey en te kemetayen is gimukud din wey naangken din en is untung he wazà pidtemanan.

Juan 6:29

Ne midtavak si Jesus te, “Iyan heini ebpeveelan keniyu te Megbevayà: siak is midsug̵ù te Megbevayà kayi te kelibutan, tuu kew kediey.”

Ruma 10:3

Su wazè dan dewata is paag̵i te Megbevayà te kebpeketerenga zin kandan. Ne iyan dan migamit is keugelingen dan he paag̵i he iyan is kedtumana te kesug̵uan ne wazè dan medsunud te paag̵i te Megbevayà te kebpeketerenga zin kandan.

Ruma 3:22

Ed-isipen kiw te Megbevayà he metazeng emun edtuuwan tew si Jesu Kristu. Is minsan hentei he etew, ne ed-isipen te Megbevayà he metazeng emun edtuuwan din si Jesu Kristu su wazà ibpelavi te Megbevayà te minsan hentei he etew.

Ruma 4:24

kekenà, tenged daan kenitew wey tew mesavut he ragkes kiw zaan dutun. Sikitew, ed-isipen kiw zaan te Megbevayà he metazeng emun edtuuwan tew sikandin. Iyan sikandin sikan is mibanhew ki Jesus he Nengazen tew.

Ruma 4:3

Umba netuenan ta heini su zuen insurat he Lalag te Megbevayà he edhenduen te, “Midtuu si Abraham te Megbevayà ne tenged dutun te kedtuu zin, mid-isip te Megbevayà sikandin he metazeng.”

Ruma 4:6

Iyan heini sikan is impesavut dengan ni Hadì David te kegkeg̵iya zin he utew zeyzey is etew he metazeng is ked-isipa kandin te Megbevayà su ebpeseyluwen te Megbevayà, kenà tenged te menge ulaula zin he meupiya, kekenà, tenged dà te kedtuu zin kandin.

Pilipus 3:9

su wey a zaan meisip te Megbevayà he metazeng tenged ki Kristu. Wazà a meisip he metazeng pinaag̵i te kediey zà he ulaula te kedtumana te kesug̵uan, su mibpeketazeng a te Megbevayà pinaag̵i te kedtuu ku ki Kristu. Heini is kebmetazeng, ne idtuvad kenita te Megbevayà emun edtuu ki ki Kristu.