Ruma 4:20 - Manobo Western Bukidnon

²⁰ Ne wazà sikandin meduwazuwa te penaad te Megbevayà, kekenà, midhemenan din is kedtuu zin ne mibpeselematan din is edhimuwen te Megbevayà.

Ruma 4:20 Кръстосани препратки

Mateo 9:8

Hein naahà heini te menge etew zutun, nengehandek dan ne midalig dan is Megbevayà tenged te mibeg̵ayan din is menusiyà te keg̵ehem he iring kayi.

Lucas 1:18

Ne zutun midtavak si Zacarias te, “Hengkey is tuus wey ku metueni he tutuu he egketuman heini is migkag̵i nu? Su siak wey is esawa ku, utew key en meg̵urang.”

Lucas 1:45

Umba, Maria, edtuvazan ka te Megbevayà su midtuu ka he egketuman is impesavut kenikew te velinsug̵uen te Megbevayà!”

1 Kurintu 16:13

Layun kew, menge suled, med-andam; hemeni niw te edtuu si Jesu Kristu; kenè niw ikeeled is kedtuu niw, kekenà, ipeehè niw is kelig-en te kedtuu niw.

2 Kurintu 12:10

Ne meupiya en utew te g̵ehinawa ku is kurang ku te ketau, is kedsumpelita wey is pesipala kediey te menge etew, wey is menge kemereg̵enan wey is kemeresayan tenged te kedtuu ku ki Kristu. Su netuenan ku he emun wazè en kediey he ketau, dekelà is ibeg̵ey kediey ni Kristu he ketau.

Ipisu 6:10

Menge suled, ketepusan heini he menge lalag ku keniyu: kinahanglan he lig-eni niw is kedsarig niw te Nengazen wey te lavew he zekelà he gehem din.

2 Timoteo 2:1

Sikew, Timoteo, is iring te tutuu he anak ku, heg̵eta nu is kedtuu nu su zekelà is tavang te Megbevayà kenita tenged te nekidsevaha ki ki Jesu Kristu.