Ruma 4:11 - Manobo Western Bukidnon

¹¹ Umba mibpesirkunsidar sikandin su nehimu is kedsirkunsidar he tuus diyà te lawa zin he mid-isip te Megbevayà sikandin he metazeng tenged te kedtuu zin dutun te wazè pa sikandin sirkunsidara. Ne nehimu si Abraham he kepuun tew, he ke và dà egkeg̵iya, egkeiringan te langun he edtuu, minsan te wazà sikandan sirkunsidara. Umba edtuu zan su wey isipa te Megbevayà sikandan he metazeng.

Ruma 4:11 Кръстосани препратки

Mateo 16:16

Ne zutun midtavak si Simon Pedro te, “Iyan ka sikan is mibpilì te Megbevayà he ibpahadì din te menusiyà; iyan ka sikan is Anak te wazè din kemetayen he Megbevayà.”

Mateo 8:11

Ne kenè niw lipati heini is egkeg̵iyen ku he mezakel he etew he kenà menge Hudiyu he ziyà ebpemuun te meziyù, diyà te zapit te edsilaan wey ziyà te zapit te edsenlepan, ne ebpekidtug̵en dan keuzemà ki Abraham wey ki Isaak wey ki Hakub diyà te ginhedian te Megbevayà.

Lucas 19:9

Ne migkag̵i si Jesus diyà te kandin te, “Sikew wey menge zuma nu zini te valey, edlibriyen kew g̵untaan te Megbevayà te silut tenged te menge salè niw su mid-iringan niw g̵untaan is kepuun niw he si Abraham su midtuu kew te Megbevayà.

Juan 3:33

Iyan, is minsan hentei he edawat kayi ebpekepenistig̵us he tutuu is egkeg̵iyen te Megbevayà.

Juan 3:36

Is minsan hentei he edtuu te Anak te Megbevayà, ebeg̵ayan sikandin te untung he wazà pidtemanan; is minsan hentei he kenà ebpemineg te menge sug̵ù te Anak te Megbevayà, kenà egkeveg̵ayan te untung he wazà pidtemanan, kekenà, wazà pidtemanan te kegkepeuki kandin te Megbevayà.

Juan 6:35

Ne midtavak si Jesus te, “Iyan a egkeenen he ebpekeveg̵ey te untung he wazà pidtemanan. Sikan is edsundan kediey, kenè en egkevitil wey sikan is edtuu kediey, kenè en maan egkemezahan.

Juan 6:40

Is langun he nesayud ke hentei a is anak din, ne edtuu kediey, egkesuatan te Amey ku he meveg̵ayi te untung he wazà pidtemanan ne ebenhawen ku keuzemà dutun te ketepusan he andew.”

Juan 6:47

Utew venar is egkeg̵iyen ku he is etew he edtuu kediey, naangken din en is untung he wazà pidtemanan.

Juan 8:33

Ne midtavak dutun is menge punuan te, “Iyan kepuun dey si Abraham, ne wazè key meuripen te minsan hentei; maan is migkag̵i nu he egkevelukasan key?”

Ruma 10:11

Su zuen insurat he Lalag te Megbevayà he edhenduen te, “Is minsan hentei he edsarig kandin, utew meupiya is edungguan din.”

Ruma 10:4

Su midhimu ni Kristu he wazè en pulus te kedsarig te kedtuman te kesug̵uan su wey is minsan hentei, pinaag̵i zà te kedtuu ki Kristu, ebpeketezengen sikandin te Megbevayà.

Ruma 10:6

Iyan, mehitenged te kebpeketezenga te etew he egkehimu pinaag̵i te kedtuu, duen daan insurat he lalag he edhenduen te, “Kenè niw isipa he wey ki zà ed-isipa te Megbevayà he metazeng ke zuen edhendiyà te langit wey meveyai si Kristu,

Ruma 3:22

Ed-isipen kiw te Megbevayà he metazeng emun edtuuwan tew si Jesu Kristu. Is minsan hentei he etew, ne ed-isipen te Megbevayà he metazeng emun edtuuwan din si Jesu Kristu su wazà ibpelavi te Megbevayà te minsan hentei he etew.

Ruma 3:26

Iyan, kinahanglan he zuen silut tenged te menge salà te menusiyà, umba midsilutan din si Jesus. Ne tenged dutun egketuenan tew he metazeng is kedhukum te Megbevayà ne tenged kayi egkehimu he ed-isipen din he metazeng is minsan hentei he edtuu ki Jesus.

Ruma 3:30

Su sebsevaha zà is Megbevayà ne ed-isipen din is menge Hudiyu he metazeng emun edtuuwan dan si Jesus. Ne is menge etew he kenà Hudiyu, ed-isipen din daan sikandan he metazeng emun edtuuwan dan si Jesus.

Ruma 4:10

Ne keenu heini meulaula? Dutun te wazè pa si Abraham mebpesirkunsidar, he ke và dà egkeg̵iya, te kenè pa sikandin Hudiyu, mid-isip te Megbevayà sikandin he metazeng.

Ruma 9:30

Ne iyan ibpesavut ku kayi is: is menge etew he kenà menge Hudiyu, minsan pa te wazà metag̵ù diyà te isip dan he egkehimu he meisip sikandan he metazeng te Megbevayà, duen menge zuma kandan he pinaag̵i te kedtuu zan mid-isip sikandan gihapun he metazeng.

Ruma 9:33

Su zuen insurat he Lalag te Megbevayà he edhenduen te, “Duen idsavuk ku he vatu ziyà te inged te menge Hudiyu he Siyun. Egkesipà heini te menge etew ne ebpekeurambak dan, iyan, ke zuen edsarig kayi te vatu, kenè en ebkepeel-elezan.”

Ruma 9:6

Ne kenè ku iyan egkeg̵iyen he wazà tumana te Megbevayà is penaad din kandan, kekenà, iyan egkeg̵iyen ku he zuen duma te menge kevuwazan ni Israyil he kenà sikandan tutuu he menge sakup te Megbevayà.

2 Kurintu 1:22

ne mibeg̵ayan kiw zin te g̵ehem he tuus he menge g̵aked kiw zin, ne midhimu zin he ulini kiw te Wag̵as he Mulin-ulin he iyan tuus he edtumanen din is minsan hengkey he penaad din kenitew.

Gelasya 3:22

Iyan, impesavut kenitew te insurat he Lalag te Megbevayà he sikitew is tivuuk he menusiyà, sakup kiw en pudu te mezaat he kebayè tew. Ne tenged kayi, wey zà edtumana te Megbevayà is menge penaad din kenita ke edsarig kiw kandin. Wey kiw zà egkeveg̵ayi te untung he wazà pidtemanan ke zuen tew kedtuu.

Gelasya 3:29

Ne g̵eina te sakup kew ni Kristu, nehimu kew en he iring te menge kevuwazan ni Abraham ne egkezawat niw zaan is impenaad te Megbevayà ki Abraham.

Gelasya 3:7

Ne sikiyu zaan, kinahanglan he sevuta niw he iyan ded heini g̵untaan kayi te kenitew su ke zuen etew he edtuu te Lalag te Megbevayà ne nehimu en sikandin he kevuwazan ni Abraham, he ke và dà egkeg̵iya, egkezawat din is impenaad te Megbevayà diyà te ki Abraham.

Gelasya 5:5

Iyan, sikami mulà, pinaag̵i te g̵ehem te Wag̵as he Mulin-ulin wey tenged te kedtuu zey kandin, iyan ebpeebuten dey is kedhimuwa kenami he metazeng te Megbevayà.

Gelasya 6:16

Is minsan hentei he ed-ikul kayi te ibayà he impenurù ku pinaag̵i kayi te surat, berakat he mehizuwi te Megbevayà wey veg̵ayi te melinawen he kebpekesavuk, ne kenà iyan dà sikandin, kekenà, elin daan is langun he menge tutuu he tumutuu te Megbevayà.

Ipisu 1:13

Ne iring din ded daan diyan te keniyu su hein impesavut keniyu is tutuu he tuluuwen he iyan kes Meupiya he Tudtulanen mehitenged te kedlibriya kenitew te silut, nemeketuu kew ki Kristu, ne midhimu kew zaan te Megbevayà he menge sakup din pinaag̵i te kebeg̵aya zin keniyu te Wag̵as he Mulin-ulin he zaan he impenaad din.

Ipisu 4:30

Ne kenè niw ul-ulaha is minsan hengkey he kenà egkesuatan te Wag̵as he Mulin-ulin su iyan sikandin tuus diyan te keniyu he g̵aked kew te Megbevayà, wey tuus daan he keuzemà egkeuma is andew he zutun edhimesaza te Megbevayà is langun he nepuunan din en he vaal te kedlibriya zin keniyu te kebpekesalà.

Pilipus 3:9

su wey a zaan meisip te Megbevayà he metazeng tenged ki Kristu. Wazà a meisip he metazeng pinaag̵i te kediey zà he ulaula te kedtumana te kesug̵uan, su mibpeketazeng a te Megbevayà pinaag̵i te kedtuu ku ki Kristu. Heini is kebmetazeng, ne idtuvad kenita te Megbevayà emun edtuu ki ki Kristu.

Hibriyuhanen 11:7

Ne zuen daan kedtuu ni Noe su hein midleg̵uyan sikandin te Megbevayà te limas he egkehitavù, midtuuwan din, minsan te wazè din pa maahà haazà is limas. Ne mibeelan din is dekelà he avang he egngezanan te arka ne hein midlapey is dag̵at, nelibri sikandin wey is pemilya zin ne wazè dan melened. Ne pinaag̵i zutun te kedtuu zin, impesavut din he zait he edlimasen te Megbevayà is tivuuk he mekesesalà he menusiyà. Ne zutun mid-isip sikandin te Megbevayà he metazeng tenged te midtuuwan din is migkag̵i te Megbevayà.

2 Pedro 1:1

Iyan a si Simon Pedro is teg̵isurat kayi. Sulug̵uen a ni Jesu Kristu wey epustul zin, he ke và dà egkeg̵iya, midsug̵ù e zin. Ebpesuratan ku sikiyu is langun he neketuu ki Jesu Kristu. Megbevayà he Menluluwas tew sikandin. Geina te wazè din ibpelavi he minsan hentei, midhimu kew zin he tumutuu kandin iring te midhimu key zin daan he tumutuu.

Impezayag 9:4

Intelaan kandan he kenè dan dèdeeti is sagbet wey is minsan hengkey he edtuvù wey is menge kayu, kekenà, iyan dan dà edèdeetan is menge etew he wazà metiyapi is buked dan te tiyap te Megbevayà.