Ruma 4:1 - Manobo Western Bukidnon

¹ Penenglitan si Abraham is kepuun dey te menge Hudiyu, hengkey is netuenan din?

Ruma 4:1 Кръстосани препратки

Mateo 3:9

Ne kenè niw iyan serig̵i is kevuwazan kew ni Abraham su wazà dutun pulus diyà te Megbevayà. Su egkeg̵iyan ku sikiyu he emun iyan egkinehenglanen te Megbevayà, egkehimu he ebeelan din heini is menge vatu he kevuwazan ni Abraham.

Lucas 3:8

Emun tutuu he mid-iniyug̵an niw is memezaat he ulaula, ipeehè niw pinaag̵i te menge meupiya he vaal niw. Ne kenè niw iyan serig̵i is kevuwazan kew ni Abraham su wazà dutun pulus diyà te Megbevayà. Su egkeg̵iyan ku sikiyu he emun iyan egkinehenglanen te Megbevayà, ne egkehimu he ebeelan din heini is menge vatu he kevuwazan ni Abraham.

Juan 8:33

Ne midtavak dutun is menge punuan te, “Iyan kepuun dey si Abraham, ne wazè key meuripen te minsan hentei; maan is migkag̵i nu he egkevelukasan key?”

Juan 8:53

Lavew ke ve te kepuun dey zengan he si Abraham? Sikandin wey is menge ebpeneuven dengan, nemematey zan gihapun. Ne sikew, kunaan nu vuwa ke ebpekelavew ka kandan.”

Juan 8:56

Sikan is kepuun niw he si Abraham, utew sikandin nelipey zengan su netuenan din he ibpehendini a te kelibutan umba nelipey sikandin su ebpeebuten e zin.”

Nengeulaula 13:26

Ne menge suled,” ke si Pablo, “sikiyu is menge zuma ku he kevuwazan ni Israyil wey kevuwazan ni Abraham, wey sikiyu zaan is kenà Hudiyu he ed-azap daan te Megbevayà, iyan kiw kes mibpeuwitan te Megbevayà te Meupiya he Tudtulanen wey kiw melibri te kedsiluti kenitew.

Ruma 1:3

Tudtul heini te keag̵i te Nengazen tew he si Jesu Kristu he Anak te Megbevayà. Ne heini si Jesus, nehimu he etew su in-anak sikandin he kevuwazan te tipehuna he hadì he si David.

Ruma 3:5

Ne zuen menge pilusupu he etew he egkag̵i te, “Emun ed-ulaula ki te mezaat, meupiya zaan haazà su emun egkeisip te menge etew is menge ulaula ta he mezaat, wey is menge ulaula te Megbevayà, siguradu egkesavut dan he utew mulà meupiya is menge ulaula te Megbevayà ne ebpekezalig dan te Megbevayà, ne utew haazà meupiya. Ne emun,” ke sikandan, “nehimu is meupiya tenged te mezaat he mid-ulaula ta, kenà metazeng is kedsiluti kenita te Megbevayà tenged te mid-ulaula ta he mezaat.” Ne pilusupu is menge lalag he iring kayi.

Ruma 4:16

Umba midhimu te Megbevayà he egkezawat tew is impenaad din pinaag̵i zà te kedtuu tew su wey mehimu heini pinaag̵i te g̵ag̵ew zin, ne kenà pinaag̵i te ed-ul-ulahan tew. Ne tenged kayi kenè en ebperis he egkezawat tew te langun he menge kevuwazan ni Abraham is impenaad te Megbevayà. Ne kenà iyan dà ebpekezawat is menge Hudiyu he nesakup te kesug̵uan, kekenà, elin daan is minsan hentei he zuen din kedtuu he iring ki Abraham su nehimu si Abraham he kepuun te langun he edtuu, Hudiyu se kenà Hudiyu.

Ruma 6:1

Tutuu iyan he ingkeg̵ag̵ew ki en te Megbevayà. Ne tenged kayi zuen buwa etew he ebpekekag̵i he meupiya ke kenè ta ed-engkezan is ked-ulaula te mezaat su wey mekeiseg is kebpaahaa kenita te Megbevayà te g̵ag̵ew zin pinaag̵i te kebpeseyluwa zin kenita.

Ruma 7:7

Ne kunaan te zuma ke zutun ebpuun te kesug̵uan is menge mezaat he ulaula! Iyan, kenà dutun ebpuun su zaan is ulaula he mezaat dini te kenita. Is kesug̵uan, ne iyan ebpesavut kenita ke hengkey is mezaat he ulaula. Su emun wazà izawey ziyà te kesug̵uan is kegkeima, ne wazè ku g̵eina metueni he mezaat bes is kegkeima he zaan dini te g̵ehinawa ku.

Ruma 8:31

Ne emun ed-isipen ta is langun kayi, egketuenan ta he tutuu iyan he iyan duma ta is Megbevayà ne wazà minsan hentei he ebpekekaid kenita.

2 Kurintu 11:22

Haazà he menge etew, egkeg̵iyen dan he menge pinilì sikandan te Megbevayà su menge Hudiyu zan, menge kevuwazan ni Israyil wey menge kevuwazan te kepuun ni Israyil he si Abraham. Ne siak daan, Hudiyu a he kevuwazan daan ni Israyil wey ni Abraham.

Hibriyuhanen 12:9

Su minsan is amey ta zini te kelibutan, emun ebmensuwen ki zin ne ebpekepevayàbayè ki g̵ihapun kandin, wey pe be kenà mehimu he ebpekepevayàbayè ki zaan te Amey ta ziyà te langit? Su pinaag̵i kayi egkeangken ta is untung he wazè din pidtemanan.