Ruma 3:1 - Manobo Western Bukidnon

¹ Ne emun iyan haazà, henduen be te wazà pulus te kegkehudiyu zey ne wazà daan pulus te tulumanen dey te kedsirkunsidar.

Ruma 3:1 Кръстосани препратки

Juan 4:22

Sikiyu is menge tigSemarya, kenè niw egketuenan ke hentei is ed-ezapen niw, ne sikami is menge Hudiyu, netuenan dey mulà ke hentei is ed-ezapen dey su pinaag̵i kenami te menge Hudiyu edlibriyen te Megbevayà is menusiyà.

Ruma 3:2

Iyan, dekelà iyan is pulus su sikami is menge Hudiyu, insarig kenami is insurat he Lalag te Megbevayà.

Ruma 3:9

Ne sikami is menge Hudiyu, kunaan niw vuwa ke utew key zeyzey, kenà is menge etew he kenà menge Hudiyu, iyan, kenà heini venar. Daan ku en impesavut keniyu he is tivuuk he menusiyà, Hudiyu se kenà Hudiyu, ne pudu ebpemekeulaula te mezaat.

1 Kurintu 15:32

Utew mezakel is kemeresayen ku zini te Ipisu su iring is menge kuntada ku te menge ebpekekaid he langgam he egkesuatan e zan te edaas. Ne maan is ed-entusen ku pa is iring kayi ke kenà a keuzemà egkevanhew. Su emun iyan haazà ne meupiya pa ke edtumanen ku haazà is erubasa he edhenduen te, “Edlipey kiw en; ed-inum kiw ne egkaan kiw su kela ke meg̵aan kiw en ebpatey ne egkehanew heini is langun.”

Hibriyuhanen 13:9

Umba, kenè niw tuuwi is menge selakew he tuluuwen he kenà iyan kes tutuu he impenurù keniyu. Iyan hustu he ibmelig-en te kedtuu tew is kedtevangi kenitew te Megbevayà, ne kenà iyan is kedlikayi te menge egkeenen he indawey te kesug̵uan su wazà heini ikezeyzey te menge etew he ebantey kayi.