Ruma 2:6 - Manobo Western Bukidnon

⁶ Su ibeg̵ey zin diyà te langun is dait he ibeg̵ey te kada etew sumalà is mid-ulaula zan.

Ruma 2:6 Кръстосани препратки

Mateo 16:27

Su Siak is Kakey te Menusiyà, imbanglis kedì he mekelikù a keuzemà he edumahan te menge velinsug̵uen ku wey edsun-uzan ad te mekeg̵eg̵ehem he anlag te Amey ku he Megbevayà. Ne zutun edsuhulan ku is langun he menge etew sumalà is mid-ulaula te uman sevaha.

Ruma 14:22

Ne ke minsan hendei zapit is edtuuwan niw mehitenged kayi kenè niw petueni te menge zuma niw su iyan ebayàbayà keniyu is Megbevayà. Utew zeyzey is etew he kenà egkesewayan te g̵ehinawa zin is menge ulaula zin.

1 Kurintu 3:8

Ebpeked-iring is pulus te ebpemula wey is pulus te ebinyag ne edsuhulan heini is dezuwa te Megbevayà sumalà is mibeelan dan.

1 Kurintu 4:5

Umba, kenè kiw edsawey te menge zuma tew, kekenà, edteg̵azan tew is kedlikù te Nengazen tew he si Jesus. Ibpeg̵awag̵awa zin dutun is nekeeles he menge vaal te menge etew g̵untaan, ne ibpetuenan din is wazè pa metueni he menge ed-isipen te menge etew. Ne zutun egketuenan te kada sevaha he etew ke zuen igkezelig̵i kandin te Megbevayà wey ke wazà.

2 Kurintu 11:15

Umba, kenè ki egkeinuinu ke egkehimu zaan is menge sulug̵uen ni Setanas he iring te menge metazeng he sulug̵uen te Megbevayà. Iyan, keuzemà edsilutan sikandan sumalà is menge mezaat he vaal zan.

2 Kurintu 5:10

Su is minsan hentei kenitew, kinahanglan he ziyà ed-etuvang keuzemà te ki Kristu su edsusiyen din is menge ulaula tew su wey mezawat te kada sevaha kenitew is suhul he zait te langun he mid-ulaula zin dini te kelibutan ke meupiya ve wey ke wazè din menge pulus.

2 Timoteo 4:14

Utew mezaat is mid-ulaula kedì ni Alejandro, sikan is pandey te tumbag̵a. Iyan ebales kandin is Nengazen.

Impezayag 2:23

Ne is menge sumusundan din, edhimetayan ku. Is menge tumutuu ziyan te langun he menge inged, egketuenan dan he iyan a nesayud ke hengkey is diyà te isip wey g̵ehinawa te etew. Ibeg̵ey ku ziyà te kada sevaha is engayan he igkeveg̵ey kandin sumalà te menge ulaula zin.

Impezayag 20:12

Ne neehè ku is langun he menge minatey, deisey is pid-etawan din se zekelà is pid-etawan din he ziyà ebpemenhithitindeg te etuvangan te pinuuwà te edhadì. Ne mibekar is menge libru ne mibekar zaan is libru he zutun ilista is egkengeveg̵ayan te untung. Ne mibpemekar zaan is menge zuma he menge libru he zutun isurat is mid-ulaula te menge etew hein uuyag dan pa su edhukuman sikandan tenged te mid-ulaula zan su nekesurat dutun te menge libru.

Impezayag 22:12

Pemineg kew,” ke si Jesus, “meg̵aan e en ebpekeuma ne zutun edsuhulan ku is kada sevaha sumalà is mid-ulaula zin.