Ruma 2:26 - Manobo Western Bukidnon

²⁶ Ne iring din ded daan penenglitan, ke zuen etew he kenà Hudiyu ne egkepurungan din te edtuman is kesug̵uan, edewaten sikandin gihapun te Megbevayà he iring te nesirkunsidar en.

Ruma 2:26 Кръстосани препратки

Mateo 15:28

Ne migkeg̵iyan ni Jesus haazà is bahi te, “Bayi,” ke sikandin, “utew zekelà is kedtuu nu te Megbevayà. Ne ibeg̵ey ku kenikew is ebuyuen nu.” Ne zutundutun neulian haazà is anak dutun te vahi.

Ruma 2:25

Sikiyu is menge Hudiyu, kunaan niw ke zekelà is pulus te kebpesirkunsidar niw, ne zuen iyan pulus te kebpesirkunsidar ta emun egkepurungan ta te edtuman is kesug̵uan, iyan, ke kenè ta egkepurungan te edtuman is kesug̵uan ne iring ki zed te menge kenà Hudiyu he wazè mebpesirkunsidar.

Ruma 2:27

Ne minsan ke kenà Hudiyu sikandin, pinaag̵i te kedtumana zin te kesug̵uan, igkepeehè din he edsilutan kew is menge Hudiyu te Megbevayà su edsupak kew mulà te kesug̵uan. Ne iyan kew pezem kes mibilvilinan te kesug̵uan ne iyan kew nesirkunsidar!

Ruma 3:30

Su sebsevaha zà is Megbevayà ne ed-isipen din is menge Hudiyu he metazeng emun edtuuwan dan si Jesus. Ne is menge etew he kenà Hudiyu, ed-isipen din daan sikandan he metazeng emun edtuuwan dan si Jesus.

Ruma 8:4

Umba mid-ulaula heini te Megbevayà su wey ki meketuman te hustu sumalà is insug̵ù te kesug̵uan. Ne egkehimu heini su wazè en kinahanglan he edtumanen ta is mezaat he suat te lawa ta, kekenà, ebpeketuman ki te hustu su edtevangan ki te Wag̵as he Mulin-ulin.

Gelasya 6:15

Kenà ebpulus is kebpesirkunsidar ne kenà daan ebpulus is kenà kebpesirkunsidar. Iyan dekelà is pulus din is kegkehimu kenita he veg̵u en he linimbag.

Ipisu 2:11

Sikiyu is menge etew he kenà menge Hudiyu, isipa niw is daan he kebpekesavuk niw. Is menge Hudiyu, ne ebpesirkunsidar sikandan, ne egngezanan kew zan te menge etew he kenà ebpesirkunsidar, he ke và dà egkeg̵iya, kenè niw ebpetuusan is lawa niw sumalà is kesug̵uan he imbilinbilin ni Moises.

Pilipus 3:3

Iyan kiw kes tutuu he menge sakup te Megbevayà, ne kenà iyan sikandan, su pinaag̵i te Wag̵as he Mulin-ulin ed-azap kiw te Megbevayà ne edlipey kiw tenged te upakat tew ki Jesu Kristu. Ne kenè tew iyan edserig̵an is kelibutanen he ulaula iring te kebpesirkunsidar.

Kulusas 2:11

Ne tenged kayi, minsan kenè kew menge Hudiyu, is midhimu keniyu te Megbevayà, ne iring duen te kedsirkunsidara zengan te menge Hudiyu su nehimu kew en he menge g̵aked te Megbevayà pinaag̵i te kebpekidsevaha niw ki Kristu. Iyan, selakew heini, su kenà pinaag̵i te kebpelii te lawa zà duen, kekenà, in-awà ni Kristu is gehem te mezaat he kebayà te lawa niw.