Ruma 2:22 - Manobo Western Bukidnon

²² Ibpenurù niw he mezaat is kegkevuta ta te kenè ta esawa, iyan, egkevuten niw is kenè niw esawa! Utew niw igkeepes is ledawan he ed-ezapen te kenà Hudiyu, iyan, edseled kew zutun te valey he zutun ed-ezapa is menge ledawan wey kew mekepenakew.

Ruma 2:22 Кръстосани препратки

Mateo 12:39

Ne midtavak si Jesus te, “Sikiyu is menge etew g̵untaan, utew mezaat is menge ulaula niw. Wazè en diyà te gehinawa niw is kebmahala te Megbevayà. Maan is ed-ehè kew te singyal? Iyan dà singyal he ibpaahà keniyu is iring duen te singyal he impeulaula zuen te tipehuna he ebpeneuven he si Jonas.

Mateo 16:4

Sikiyu is menge etew g̵untaan, utew kew mezaat; wazè en diyà te g̵ehinawa niw is kebmahala te Megbevayà! Maan is ed-ehè kew te singyal? Iyan dà singyal he ibpaahà keniyu is iring duen te singyal he neulaula zuen te tipehuna he si Jonas.” Ne zutun mid-ewaan din sikandan.

Marcos 11:17

Ne mibpenurù din is menge etew zutun, ke sikandin te, “Duen insurat he Lalag te Megbevayà he edhenduen te, ‘Is baley ku, ne egngezanan he valey he elempuanan te langun he menge etew ziyà te minsan hendei he ginhedian.’ Ne sikiyù,” ke si Jesus, “nasì niw veeli he ubpeey te ebpemenlimbung.”

Nengeulaula 19:37

Mid-uwit niw zini heini is menge etew he wazè dan mekepenakew ziyà te menge simbahan tew wey wazè dan daan sumpelita is diwata tew.

Ruma 12:9

Kinahanglan he kenà tarù is kegkeg̵eg̵awi ta te menge zuma ta. Kinahanglan he utew ta igkeepes is mezaat he ulaula. Edhemenan ta is meupiya he ulaula.

Santiago 4:4

Kenè kew metinumanen te pesarig niw ziyà te Megbevayà. Wazè niw ves metueni he emun iyan niw egkesuatan is mezaat he ed-ul-ulahan te menge kuntada te Megbevayà dini te kelibutan, ne menge kuntada kew zaan te Megbevayà. Is minsan hentei he iyan egkesuatan din is mezaat he ulaula zini te kelibutan, mibpekigkuntada sikandin te Megbevayà.