Ruma 16:5 - Manobo Western Bukidnon

⁵ Ipengemusta a zaan te menge tumutuu he ziyà dà edtig̵umtig̵um te valey zan te ked-azap dan te Megbevayà. Ipengemusta a zaan ki Ipinitu he utew ku emig̵u. Nehuna sikandin he maama he neketuu ki Kristu ziyà te prubinsya he Asya.

Ruma 16:5 Кръстосани препратки

Mateo 18:20

Su ke zuen minsan dezuwa, ne emun kenà, ne tetelu, he egkevurun su ed-azap dan kediey, ne zutun a zaan te kandan.”

Nengeulaula 16:6

Ne ziyè dan mekevayà te menge inged he ziyà te Perigya wey Gelasya su wazà sikandan tug̵uti te Wag̵as he Mulin-ulin he ibpesavut dan is Lalag te Megbevayà diyà te prubinsya he Asya.

Nengeulaula 18:12

Ne hein iyan midhimu si Galyu he gubirnedur te prubinsya he Gerisya, midtig̵um is menge Hudiyu ne midakep dan si Pablo ne impeetuvang dan ki Galyu.

Nengeulaula 18:27

Ne zutun neisip ni Epulus is edhendiyà te prubinsya he Gerisya. Ne midtevangan sikandin te menge tumutuu ziyà te Ipisu su mibpesuratan dan is menge tumutuu ziyà te Gerisya ne midhangyù dan he zewata zan sikandin. Ne hein nekeuma si Epulus diyà te Gerisya, is langun he nemeketuu ki Jesus pinaag̵i te g̵ag̵ew te Megbevayà, dekelà he tavang haazà is penurù din kandan.

Nengeulaula 2:9

Su zuen kayi te menge zuma tew menge tigPartya, menge tigMidya, wey menge tig-Ilam. Ne is duma kenitew, diyà ebpemuun te Misuputamya. Duen daan tigHudiya, tigKepedusya, tigPuntu, tig-Asya,

Ruma 11:16

Ne g̵eina te neg̵aked te Megbevayà si Abraham, si Isaak, wey si Hakub, is menge kepuun te menge Hudiyu, kenà egkehimu he kenà daan gaked te Megbevayà is menge kevuwazan dan. Emun gaked te Megbevayà is dalid te kayu, kinahanglan he g̵aked din daan is lawa.

Ruma 15:26

Su is menge tumutuu zini te prubinsya he Mesidunya, wey te prubinsya he Gerisya, neisip dan he meupiya ke ebeg̵ey zan te tavang diyà te menge tumutuu he egkengeayuayu ziyà te inged he Hiruselim.

Ruma 16:12

Ipengemusta a ki Tripina wey si Tripusa he menge meg̵ied he sulug̵uen te Nengazen. Ipengemusta a zaan ki Persida he utew ku emig̵u. Utew zekelà is nehimu zin te kedtumana zin te ebpeveelan kandin te Nengazen.

Ruma 16:4

Tenged te kedtevangi zan kediey wazè dan isepayan ke ebpatey zan, ne tenged kayi utew zekelà is peselamat ku kandan. Ne kenà duen dà taman, su zekelà daan is peselamat kandan te langun he menge tumutuu zini he kenà menge Hudiyu.

Ruma 16:6

Ipengemusta a zaan ki Maria; utew zekelà is baal zin wey kew zin metevangi.

Ruma 16:8

Ipengemusta a ki Empliyatu; utew ku sikandin emig̵u tenged te kedtuu zin te Nengazen.

1 Kurintu 16:15

Netuenan niw, menge suled, he iyan nehuna he nemeketuu ziyan te prubinsya he Gerisya ensi Istipenas. Ne wazè dan meduwazuwa te kedtevangi zan te menge zuma zan he tumutuu.

1 Kurintu 16:19

Ebpengemusta keniyu is langun he menge tumutuu te langun he menge inged dini te prubinsya he Asya. Utew zaan meheg̵et is kebpengemustaha keniyu ni Ekilu wey si Priscila wey elin daan is menge tumutuu he edtig̵um diyà te valey zan dini te Ipisu.

2 Kurintu 1:1

Siak si Pablo. Migeraran a he epustul ni Jesu Kristu tenged te iyan egkesuatan te Megbevayà. Siak wey si Timoteo he suled tew, ebpesuratan dey sikiyu is langun he menge tumutuu te Megbevayà diyan te inged he Kurintu wey is langun daan he menge etew he neg̵aked te Megbevayà seled te tivuuk he prubinsya he Gerisya.

2 Kurintu 9:2

su netuenan ku he zekelà is gustu niw te kedtavang. Migkeg̵iyan ku is menge tumutuu he tigMesidunya he layun dekelà is gustu niw te kedtavang. Migkag̵i ku kandan he puun pa zutun te nehuna he tuig daan naandam is gehinawa niw te menge tigGerisya te kebeg̵ey. Ne is kezekelan kandan, hein nezineg dan heini, mid-iseg is gustu zan te kedtavang daan.

Kulusas 4:15

Ipengemusta key zaan te menge suled tew ziyà te inged he Leudisiya. Si Nimpa zaan wey is menge tumutuu he ziyà edsimba te valey zin, ebpengemusta key zaan kandan.

Santiago 1:18

Tenged te iyan egkesuatan din midhimu kiw zin he menge anak din pinaag̵i te kebpesevuta zin kenitew te tutuu he tuluuwen. Egkesuatan din he iyan kiw edhimuwen din he lavew te langun he menge linimbag.

3 Juan 1:1

Siak is meg̵urang, ebpesuratan ku sikew, Gayu, is emig̵u ku he utew ku minahal.

Impezayag 14:4

Iyan haazà he menge maama he wazè dan mekesalà pinaag̵i te kedhilavet te kenè dan esawa su utew lumpiyu is menge ulaula zan ne wazè dan suwayi sikan is nati he kerehidu te minsan hendei sikandin ebpevayà. Mibelukasan sikandan puun duen te perayan he iyan is tivuuk he menusiyà wey zan mehimu he iyan nepengilizan dutun wey ikeveg̵ey sikandan diyà te Megbevayà wey ziyà te nati he kerehidu.