Ruma 16:15 - Manobo Western Bukidnon

¹⁵ Ipengemusta a ki Pilulugu, wey ki Julia, ki Nereo, wey te etevey zin, wey ki Ulimpas, wey te menge sakup te Megbevayà he zuma zan.

Ruma 16:15 Кръстосани препратки

Mateo 5:47

Ne emun iyan niw zà idtetepian is menge emig̵u niw, hengkey is igkezelig̵i keniyu? Wazà, su minsan is menge etew he wazà med-azap te Megbevayà, ed-ul-ulahan dan is iring kayi.

Nengeulaula 9:13

Ne midtavak si Eneniyas te, “Nengazen, netuenan ku pinaag̵i te mezakel he etew is utew memezaat he mid-ulaula zin diyà te menge sumusundan nu ziyà te Hiruselim.

Ruma 1:7

Ne tenged kayi, ebpesuratan ku sikiyu is langun diyan te inged he Ruma he mahal ziyà te g̵ehinawa te Megbevayà he midhimu zin he menge sakup din. Is Amey tew he Megbevayà wey is Nengazen tew he si Jesu Kristu, berakat he ikeg̵ag̵ew kew zan wey iveg̵ey keniyu is melinawen he kebpekesavuk.

Ruma 16:14

Ipengemusta a ki Asinkritu, si Pligunti, si Hirmis, si Petrubas, si Hirmas wey is langun he menge maama he suled tew zaan he menge zuma zan.

Ruma 16:2

Gelg̵elawa niw sikandin tenged te kedtuu zin te Nengazen tew su iyan heini ulaula he zait te menge tumutuu. Ne ke zuen menge keel-elangan din, ne tevangi niw sikandin su utew mezakel is midtevangan din daan he menge tumutuu ne midtevangan e zin daan.

Ipisu 1:1

Iyan a si Pablo is teg̵isurat kayi. Nehimu a he epustul ni Jesu Kristu, he ke và dà egkeg̵iya, midsug̵ù e zin, tenged te iyan egkesuatan te Megbevayà. Ibpeuwit ku heini is surat diyan te inged he Ipisu, diyan te keniyu te menge tumutuu he menge metinumanen te menge sug̵ù ni Jesu Kristu.

1 Pedro 1:2

Nengaaram kew te Megbevayà he Amey tew sumalà is kebayè din dengan he iyan is: edhimuwen kew zin he metazeng pinaag̵i te Wag̵as he Mulin-ulin wey kew mehimu he menge sakup ni Jesu Kristu ne wey kew zaan mepesaylu tenged te kebpelisi keniyu te lengesa ni Jesus. Berakat he ikeg̵ag̵ew kew zin wey mebmelinawen kew utew.