Ruma 16:14 - Manobo Western Bukidnon

¹⁴ Ipengemusta a ki Asinkritu, si Pligunti, si Hirmis, si Petrubas, si Hirmas wey is langun he menge maama he suled tew zaan he menge zuma zan.

Ruma 16:14 Кръстосани препратки

Mateo 5:47

Ne emun iyan niw zà idtetepian is menge emig̵u niw, hengkey is igkezelig̵i keniyu? Wazà, su minsan is menge etew he wazà med-azap te Megbevayà, ed-ul-ulahan dan is iring kayi.

Ruma 16:13

Ipengemusta a zaan ki Rufo. Nevantug en is kedtuu zin te Nengazen. Ipengemusta a zaan te iney zin he impeiring din is ked-isipa zin kedì te tuney en he anak din.

Ruma 16:15

Ipengemusta a ki Pilulugu, wey ki Julia, ki Nereo, wey te etevey zin, wey ki Ulimpas, wey te menge sakup te Megbevayà he zuma zan.

Ruma 8:29

Su zengan te puunè pa te minsan hengkey, netuenan te Megbevayà ke hentei is egkehimu he menge anak din ne migkag̵i zin he edhimuwen din sikandan he iring te Anak din he si Jesus. Ne zutun, egkehimu si Jesus he kakey tew te utew mezakel he menge hazi zin.

Kulusas 1:2

Ebpesuratan ku sikiyu is menge g̵aked te Megbevayà diyan te inged he Kulusas he menge metinumanen te lalag ni Kristu. Berakat he ikeg̵ag̵ew kew te Amey tew he Megbevayà wey veg̵ayi kew zin te melinawen he kebpekesavuk.

Hibriyuhanen 3:1

Ne tenged kayi, menge suled ku te kedtuu, mid-umbita kew zaan te Megbevayà wey kew mekeubpà keuzemà diyà te langit. Purungi niw isipa si Jesus. Iyan sikandin kes midsug̵ù te Megbevayà dini te kelibutan wey sikandin mehimu he lavew he memumuhat he edtavang kenitew kayi te kebpesakup tew te Megbevayà.