Ruma 16:10 - Manobo Western Bukidnon

¹⁰ Ipengemusta a ki Epilis. Netuenan te langun he metinumanen sikandin te menge sug̵ù ni Kristu. Ipengemusta a te pemilya ni Eristubulu.

Ruma 16:10 Кръстосани препратки

Ruma 14:18

Ne ke pinaag̵i kayi edsundanan ta si Kristu, igkesuat ki utew te Megbevayà, ne egkesuatan daan te menge etew is menge ulaula ta.

Ruma 16:3

Ipengemusta a ki Priscila wey si Ekilu. Menge timbang ku sikandan te kedtumana ku te ebpeveelan kedì ni Jesu Kristu.

Ruma 16:7

Ipengemusta a zaan ki Andruniku wey si Hunias. Menge zuma ku sikandan he Hudiyu he mibpirisu zuma kedì. Telehuzen sikandan te menge epustul, ne nehuna sikandan neketuu ki Kristu, ne human a.

Ruma 8:11

Is Megbevayà, ne iyan mibanhew ki Jesu Kristu. Ne emun dini ed-ubpà te kenita is Wag̵as he Mulin-ulin he midsug̵ù din, ne ebenhawen ki zin daan pinaag̵i te Mulin-ulin he zini ed-ubpà te kenita.

1 Kurintu 11:19

Kinahanglan buwa he iyan heini egkehitavù keniyu ziyan su wey metueni ke hentei keniyu is egkeserig̵an te Megbevayà.

2 Kurintu 12:2

Dengan, duen tumutuu he nekilala ku he mibpengelinteuwan he mekepenumbaley sikandin diyà te utew metikang he langit he ed-ubpaan te Megbevayà. Sepulù en wey heepat he tuig heini is kegkehitavù kayi. Wazè ku metueni ke nekehendiyè be is lawa zin wey ke impeehè dè be heini kandin te Megbevayà pinaag̵i te teg̵einep; iyan dà nesayud kayi is Megbevayà.

2 Kurintu 2:9

Umba mibpeuwitan ku sikiyu te surat ku su wey ku maahà ke metinumanen kew ve te langun he menge sug̵ù ku.

2 Kurintu 5:17

Ne sikan is etew he nekidsevaha en ki Kristu, beg̵u en sikandin he linimbag. Nahanew en diyà te kandin is daan he netag̵ù te isip din ne mid-ilisan en heini te veg̵u.

2 Kurintu 8:22

Ne zuen pa suled tew he ibpezuma zey engki Tito. Mibpurungan ku sikandin susiya ne utew zekelà is gustu zin te edtavang te menge tumutuu, iyan, tuwas pa zekelà is gustu zin te edtavang keniyu g̵eina te zekelà is kedsarig din keniyu.

Gelasya 1:22

Ne wazè e pa zutun mekilala te menge gurupu te menge tumutuu ki Jesus he ziyà te prubinsya he Hudiya.

Pilipus 2:22

Si Timoteo, netuenan niw he hustu is menge ulaula zin. Iring sikandin te tutuu he anak ku te kedtevangi zin kedì te kedsengyawa kayi te Meupiya he Tudtulanen.

1 Timoteo 3:10

Ke zuen etew he ebpilien niw he diyekunu, kinahanglan he edsusiyen pa is menge ulaula zin. Ne emun wazà netuenan he mezaat he ulaula zin, egkehimu he ebpilien sikandin he diyekunu.

2 Timoteo 4:19

Ipengemusta a ki Priscila, ki Ekilu, wey ki Unisipuru wey is pemilya zin.

1 Pedro 1:7

Is kedtuu niw, ne iring te vulawan su egezaman is bulawan pinaag̵i te hapuy su wey ikepaahà ke tutuu ve. Umba idtug̵ut te Megbevayà he mekeantus kew te merasey su wey pinaag̵i te kemeresayan meg̵ezami is kedtuu niw ke tutuu ve wey ke kenà. Mahal pa is kedtuu niw kenà is bulawan su melemu egkezeeti is bulawan. Ne emun tutuu is kedtuu niw, edelig̵en kew, ebentug̵en kew, wey edtehuzen kew keuzemà emun ibpeg̵awag̵awa en si Jesu Kristu.