Ruma 16:1 - Manobo Western Bukidnon

¹ Pinaag̵i kayi te surat ibpekilala ku keniyu si Febe is suled tew he vahi tenged kayi te kedtuu tew, ne edtavang sikandin te menge tumutuu ziyà te inged he Singkriya.

Ruma 16:1 Кръстосани препратки

Mateo 12:50

Su is minsan hentei he edtuman te egkesuatan te Amey tew he ziyà te langit, iyan daan iney ku, menge suled ku he maama, wey suled ku he vahi.”

Marcos 10:30

haazà he etew, egkezawat din is kenenggatus edtekepa haazà is mid-ewaan din he menge valey, menge suled din he maama wey vahi, iney zin, menge anak din, wey menge tanà ne liyu zutun ibeg̵ey kandin keuzemà is untung he wazà pidtemanan. Asal te zini pa sikandin te kelibutan, egkeseg̵azan din is memereg̵en he pesipala kandin.

Lucas 8:3

Ne elin daan dutun te menge vahi si Juana he esawa ni Kusa. Si Kusa, ne sinerig̵an ni Hadì Hirudis. Ne zutun daan si Susana wey mezakel pa he menge zuma he vahi he nemenduma su midtevangan dan ensi Jesus pinaag̵i te menge ketig̵eyunan dan.

Nengeulaula 18:18

Ne si Pablo, malù pa netegteg̵aad is ked-ubpè din dutun te Kurintu zuma te menge tumutuu ne human medlaus. Miduma zin si Ekilu wey si Priscila ne migenat dan. Ne zuen dutun impenaad ni Pablo ziyà te Megbevayà. Ne hein nekeuma zan diyà te inged he Singkriya, mibpaalut si Pablo he iyan tuus te midtuman din en. Ne mid-untud dan te barku he edhendiyà te prubinsya he Sirya.

2 Kurintu 3:1

Kunaan niw vuwa ke idantal zey en maan heini. Kenè key iring te zuma he ebpenurù su kenè niw sikandan egkezawat emun wazà surat he igkepeehè dan he ibpesavut dutun he wazà mezaat he ulaula zan. Ne iring din ded daan kenà sikandan egkezawat te zuma he etew emun wazè dan surat he iring dutun he ziyan ebpuun te keniyu.

1 Timoteo 5:2

Is menge vahi he meg̵urang en, sembag̵i nu zaan he iring te iney nu en wey is menge menguhed he vahi, sembag̵i nu sikandan he iring te menge etevey nu en. Ne kinahanglan he utew hustu is ked-isipa nu kayi ziyà te kandan.

Santiago 2:15

Su penenglitan duen menge suled tew he tumutuu ne edlised sikandan tenged te wazè dan igkekuwa te bisti wey egkekaan.