Ruma 15:5 - Manobo Western Bukidnon

⁵ Is Megbevayà, ne iyan edsambag kenitew wey ebeg̵ey kenitew te kebmeinentusen te kemeresayan. Berakat he himuwa zin he mesevaha is gehinawa niw wey isip niw kayi te kedsundani niw ki Jesu Kristu.

Ruma 15:5 Кръстосани препратки

Nengeulaula 4:32

Mezesen is kebpekid-upakat te menge tumutuu su nesevaha zà is isip dan wey g̵ehinawa zan. Wazà minsan sevaha kandan he mid-isip din is menge azen din he iyan dà sikandin ebpehimulus, kekenà, mid-isip dan he sevaha zan dà te azen.

Ruma 12:16

Kinahanglan he mesevaha is gehinawa niw te menge tumutuu. Kenè kew mebmepelevawen, kekenà, mebpekiduma kew te menge etew he minus is pid-etawan dan. Ne kenè niw isipa he uluwanen kew kenà sikandan.

Ruma 15:13

Is Megbevayà he iyan puunà te langun he meupiya he ebpeebuten tew, berakat he veg̵ayi kew zin te utew zekelà he kelipey wey melinawen he kebpekesavuk tenged te kedtuu niw kandin su wey pinaag̵i te g̵ehem te Wag̵as he Mulin-ulin meheg̵et is kebpeebuta niw te langun he meupiya he egkezawat niw keuzemà.

Ruma 15:3

Su si Kristu, wazè din isipa is kandin he egkesuatan su insurat dengan is midtagnà he menge lalag din diyà te Megbevayà he edhenduen te, “Is menge mezaat he lalag te menge etew he insulè dan kenikew, ne iyan daan kedsulaa zan kediey.”

1 Kurintu 1:10

Menge suled ku tenged te kedtuu, duen idhangyù ku keniyu pinaag̵i te kebayàbayà kenitew te Nengazen tew he si Jesus; iyan is: kinahanglan he kenè kew mevahinbahin, kekenà, uyun-uyun kew su wey mesevaha is isip niw wey g̵ehinawa niw.

2 Kurintu 13:11

Menge suled, iyan dà heini menge lalag ku keniyu; berakat he mebmelipayen kew. Purungi niw is menge ulaula niw; tumana niw is menge sambag ku keniyu. Kinahanglan he mesevaha is gehinawa niw ne mebmelinawen is ked-ubpè niw. Su emun ebeelan niw heini, is Megbevayà he iyan puunà te g̵ag̵ew wey kelinew, layun eduma keniyu.

2 Kurintu 7:6

Iyan, is Megbevayà he metau he edlipey te egkengeseeng, midhimu zin he meupiya is gehinawa zey pinaag̵i te kebpekeuma ni Tito.

Ipisu 5:2

Kinahanglan he ipeehè niw layun he mahal ziyà te g̵ehinawa niw is menge zuma niw iring te mahal kiw ziyà te g̵ehinawa ni Kristu. Mibpehimatey sikandin he elili kenitew wey kiw zin melibri. Nehimu heini he pemuhat he utew mehemut, he ke và dà egkeg̵iya, utew egkesuati te Megbevayà.

Pilipus 1:27

Menge suled, ke minsan hengkey is egkehitavù kediey, utew kinahanglan he is menge ulaula niw, ne kenà ebpekesuwey te impenurù ni Kristu pinaag̵i te Meupiya he Tudtulanen. Su emun kenè kew edsuwey kayi, minsan ke kenà a ebpekelikù diyan, egketudtulan a he nesevaha is gehinawa niw wey tuyù niw te kedhag̵ù su wey metuuwi te mezakel he menge etew is Meupiya he Tudtulanen.

Pilipus 2:2

Ne tenged kayi te langun edhengyuan ku sikiyu he tug̵uti niw he mepurung mesevaha is isip niw wey g̵ehinawa niw, ne heg̵eta niw is kebmahala niw ziyà te g̵ehinawa niw te menge zuma niw. Ne emun ed-ul-ulahan niw heini human egkeheg̵et is kelipey ku tenged keniyu.

Pilipus 3:16

Iyan, kinahanglan guntaan he edtumanen tew is daan he impenurù kenitew te Megbevayà.

Pilipus 4:2

Edhengyuan ku sikiyu, Ibudya wey Sintiki, he melinew is kebpekid-upakat niw su telesuled kew tenged te upakat niw te Nengazen.

1 Pedro 3:20

Iyan heini menge etew zengan he wazà mebpemineg te Megbevayà dutun te timpu zengan hein ebpelevayen din dà is memezaat he ulaula zan taman te nepasad ni Noe is kebeeli zin te arka. Walu zà he etew is nekeseled dutun te arka wey zan melibri te wahig.

1 Pedro 3:8

Duen pa egkeg̵iyen ku keniyu te langun ne iyan is: kinahanglan he mesevaha is isip niw wey g̵ehinawa niw. Mebpepurpurungè kew wey megig̵ineg̵awè kew su iring kew en te teltelesuled. Kinahanglan he memetulanged kew wey kenè kew menge mepelevawen.

2 Pedro 3:15

Kenè niw lipati he iyan ibpelevaya te Megbevayà kenitew su wey melibri ki te silut din. Iyan daan heini impesavut keniyu te emig̵u tew he si Pablo zutun te surat he impeuwit din keniyu. Impinted heini kandin te Megbevayà.

2 Pedro 3:9

Kunaan te zuma ke edlanganlangan is Nengazen su maan is kenè din edtumanen is pesarig din he edlikù sikandin. Kenà sikandin edlanganlangan, kekenà, utew sikandin mepelevayen keniyu su kenè din egkesuatan he zuen minsan sevaha he kenà egkelibri te silut. Egkesuatan din he meiniyug̵i te langun is menge ulaula zan he mezaat.