Ruma 15:31 - Manobo Western Bukidnon

³¹ Iampù niw he kenà a mekeizi te menge etew he kenà tumutuu ziyà te inged he Hiruselim. Iampù niw zaan he ikelipey te menge tumutuu ziyà te Hiruselim heini is selapì he idhated ku kandan.

Ruma 15:31 Кръстосани препратки

Nengeulaula 22:24

Ne haazà is kepitan te menge sundaru he Rumanu, wazè din mesavut ke hengkey is egkeg̵iyen dan ne zutun insug̵ù din te menge sundaru he uwita zan si Pablo zutun te kutà ne vug̵ela zan su wey zin iketug-an ke hengkey is ingkepeuki kandin te menge Hudiyu su maan is ebpememensag dan te iring dutun.

Nengeulaula 25:2

Ne zutun, is menge punuan he memumuhat wey is menge egalen te menge Hudiyu, midtudtul zan ki Pistu is insumbunga zan ki Pablo. Inhangyù dan ki Pistu

Nengeulaula 25:24

migkag̵i si Pistu te, “Hadì Egripa wey is langun te sikiyu he nengetig̵um kayi, ahaa niw heini is etew. Midhangyù kedì he ebpememensag is langun he menge Hudiyu zini te Sisarya wey ziyà te Hiruselim he pehimetayi ku sikandin.

Nengeulaula 9:13

Ne midtavak si Eneniyas te, “Nengazen, netuenan ku pinaag̵i te mezakel he etew is utew memezaat he mid-ulaula zin diyà te menge sumusundan nu ziyà te Hiruselim.

Nengeulaula 9:15

Ne migkeg̵iyan si Eneniyas te Nengazen te, “Beyai nu su nepilì ku sikandin wey zin ikesangyew is ngazan ku ziyà te menge etew he kenà Hudiyu wey minsan diyà te menge hadì wey ziyà daan te menge zuma nu he kevuwazan ni Israyil.

Ruma 15:25

Ne g̵untaan egenat ad su edhendiyà a zè pa te inged he Hiruselim su zuen idtavang he ibpehated kedì diyà te menge tumutuu te Megbevayà diyà.

1 Kurintu 16:15

Netuenan niw, menge suled, he iyan nehuna he nemeketuu ziyan te prubinsya he Gerisya ensi Istipenas. Ne wazè dan meduwazuwa te kedtevangi zan te menge zuma zan he tumutuu.

2 Kurintu 1:10

Ne midtevangan key te Megbevayà ne midlig-enan key zin, umba nelibri key ne wazè key mehimetayi. Ne netuenan dey he ebpenigudu sikandin he edtavang kenami. Dekelà is kedsarig dey he kenè key zin ed-engkezan te edtavang.

2 Kurintu 8:4

Su midhengyuan key zan he tug̵uti zey sikandan he mekeug̵up kenami te kebeg̵ey te tavang diyà te menge tumutuu ziyà te prubinsya he Hudiya.

2 Kurintu 9:1

Wazà kinahanglan he idsurat ku keniyu ke hengkey is hustu he ed-ul-ulahan niw te kedtavang te menge tumutuu he egkengeayuayu

2 Kurintu 9:13

Ne emun egketuenan te menge etew he utew kew metulanged, ebentug̵en dan is Megbevayà tenged te kedtumana niw te menge sug̵ù din wey tenged te mezesen he kedtuu niw te Meupiya he Tudtulanen su midtevangan niw sikandan ne midtevangan niw zaan is duma.

1 Tiselunika 2:15

Is menge Hudiyu, iyan kes midhimatey te ebpemeneuven te Megbevayà dengan wey te Nengazen tew zaan he si Jesus. Ne mid-avug key zan daan. Utew supak is menge ulaula zan te egkesuatan te Megbevayà,

2 Tiselunika 3:2

Iampù key zaan wey key mekeliyu te pesipala te menge kenà metazeng wey lalung he menge etew su mezakel is kenà edtuman te lalag din.

2 Timoteo 3:11

Netuenan nu zaan is menge kemeresayan wey menge keseengan he nengeantus ku. Netuenan nu zaan is langun he neeg̵iyan ku ziyà te menge inged he Entiyukya, wey Ikunya, wey Listera wey is langun he utew merasey he naantus ku. Is Megbevayà, ne midlibri e zin kayi te langun.

2 Timoteo 4:17

Minsan pa zutun midtevangan a te Nengazen ne midlig-enan e zin ne tenged dutun nepurungan ku te edsangyew is Meupiya he Tudtulanen diyà te langun he menge etew zutun he kenà menge Hudiyu. Ne tenged dutun nelibri a ne wazà a mehimetayi.