Ruma 15:25 - Manobo Western Bukidnon

²⁵ Ne g̵untaan egenat ad su edhendiyà a zè pa te inged he Hiruselim su zuen idtavang he ibpehated kedì diyà te menge tumutuu te Megbevayà diyà.

Ruma 15:25 Кръстосани препратки

Nengeulaula 18:21

Su ke sikandin dutun te kegenat din te, “Edlikù a zini ke edtug̵ut is Megbevayà.” Ne nekeuntud te barku ne mid-awà diyà te Ipisu.

Nengeulaula 19:21

Ne zutun, neisip ni Pablo is edhipanew he ziyà ebayà te menge prubinsya he Mesidunya wey Gerisya pehendiyà te Hiruselim. Ke sikandin te, “Emun ebpekehendiyà a te Hiruselim, ebpekelaus e pa ziyà te inged he Ruma.”

Nengeulaula 20:22

Ne g̵untaan, geina te edtumanen ku is sug̵ù kedì te Wag̵as he Mulin-ulin, edhendiyà a te Hiruselim. Ne kenè ku egketuenan ke hengkey is egkeulaula ku zutun.

Nengeulaula 24:17

Umba midhendiyà a te Hiruselim su nepipire en he tuig is wazà a mekehendiyà. Midhendiyà a su wey ku ikehated is selapì he idtavang diyà te menge zuma ku he Hudiyu wey a zaan mekepemuhat diyà te Megbevayà.

Nengeulaula 9:13

Ne midtavak si Eneniyas te, “Nengazen, netuenan ku pinaag̵i te mezakel he etew is utew memezaat he mid-ulaula zin diyà te menge sumusundan nu ziyà te Hiruselim.

Ruma 12:13

Ebeg̵ayan tew te tavang is menge suled tew he egkengeayuayu. Ne ibpepemenahik ta ziyà te valey ta is etew he humuhulevungà.

1 Kurintu 16:4

Ne emun kinahanglan dutun he edhendiyà a zaan te Hiruselim, ebpekezuma zan kediey.

2 Kurintu 8:4

Su midhengyuan key zan he tug̵uti zey sikandan he mekeug̵up kenami te kebeg̵ey te tavang diyà te menge tumutuu ziyà te prubinsya he Hudiya.

2 Kurintu 8:6

Ne g̵eina te iyan si Tito nemuunà te vaal ziyan te keniyu te kebpenguwaa te idtavang niw ziyà te menge tumutuu he tigHudiya, midsembag̵an dey sikandin he ipelaus din en su wey kew zin metevangi te kedhimesaza kayi te ulaula mehitenged te g̵ag̵ew niw.

Gelasya 2:10

Iyan dan dà intelaan kenami is kedtevangi zey te menge tumutuu he egkengeayuayu ziyà te Hiruselim, iyan, daan ku en heini midheg̵et dini te g̵ehinawa ku.

Hibriyuhanen 6:10

Su kenà egkehimu he kenà metazeng is kedsusiya keniyu te Megbevayà; su kenà egkehimu he egkelipatan din is langun he meupiya he mid-ulaula niw tenged te mahal sikandin diyà te g̵ehinawa niw su midtevangan niw is menge zuma tew he tumutuu ne minsan guntaan wazè niw engkezi is kedtevangi niw kandan.