Ruma 15:13 - Manobo Western Bukidnon

¹³ Is Megbevayà he iyan puunà te langun he meupiya he ebpeebuten tew, berakat he veg̵ayi kew zin te utew zekelà he kelipey wey melinawen he kebpekesavuk tenged te kedtuu niw kandin su wey pinaag̵i te g̵ehem te Wag̵as he Mulin-ulin meheg̵et is kebpeebuta niw te langun he meupiya he egkezawat niw keuzemà.

Ruma 15:13 Кръстосани препратки

Juan 14:1

“Kenà mebmesakit is gehinawa niw,” ke si Jesus, “kekenà, sarig kew te Megbevayà ne sarig kew zaan kediey.

Juan 14:27

Edteg̵akan ku is isip niw te kelinew. Is kelinew he zini te isip ku, iyan idtag̵ak ku keniyu. Is menge etew zini te kelibutan he kenà edtuu, kenè dan ebpekeveg̵ey keniyu te kelinew he iring kayi. Ne kinhanglan he kenà mebmesakit is gehinawa niw ne kenè kew zaan mahandek.

Ruma 12:12

Kinahanglan he layun kiw edlipey su zuen utew meupiya he egkezawat tew keuzemà. Ed-entusen tew is menge kemereg̵enan ne layun kiw ed-ampù diyà te Megbevayà.

Ruma 14:17

Su is kedhedii kenita te Megbevayà, ne kenà pinaag̵i te kedtumana ta te menge sug̵ù mehitenged te menge keenen wey inumen he idawey, kekenà, pinaag̵i te kebpeketezenga kenita te Megbevayà he metazeng wey pinaag̵i te melinawen he kebpekidepitè ta te menge zuma ta, wey pinaag̵i zaan te kelipey he ibeg̵ey te Wag̵as he Mulin-ulin.

Ruma 15:19

pinaag̵i te menge singyal wey egkein-inuwan wey pinaag̵i zaan te g̵ehem te Wag̵as he Mulin-ulin. Midhipanew a puun diyà te inged he Hiruselim pehendiyà te inged he Iliriku ne mibpurungan ku te ebpesavut is Meupiya he Tudtulanen te keag̵i ni Kristu.

Ruma 15:5

Is Megbevayà, ne iyan edsambag kenitew wey ebeg̵ey kenitew te kebmeinentusen te kemeresayan. Berakat he himuwa zin he mesevaha is gehinawa niw wey isip niw kayi te kedsundani niw ki Jesu Kristu.

1 Kurintu 2:4

Ne hein midlelag̵an ku sikiyu wey impesavut ku keniyu is Lalag te Megbevayà, wazè ku iyan gemita is ketau te kegkag̵i wey is menge mekempet he lalag. Su is Wag̵as he Mulin-ulin, iyan mibpirma te egkeg̵iyen ku pinaag̵i te g̵ehem din

2 Kurintu 9:8

Ne egkehimu te Megbevayà he ibeg̵ey zin kenita is subra pa zutun te egkinehenglanen ta, su wey ta layun maazen is langun he menge kinahanglan ta wey zuen ta zaan subra he igketavang ta te zuma.

Gelasya 5:22

Egketuusan ta zaan is menge ulaula he egkehimu pinaag̵i te g̵ehem te Wag̵as he Mulin-ulin. Su emun ed-uwiten ki te Wag̵as he Mulin-ulin, mahal zini te g̵ehinawa ta is menge zuma ta, layun ki egkelipey, melinawen layun is gehinawa ta, mepelevayen ki, belig̵eg̵awen ki, metulanged ki, metinumanen ki,

Ipisu 1:2

Is Amey tew he Megbevayà wey is Nengazen tew he si Jesu Kristu, berakat he ikeg̵ag̵ew kew zan wey tuvazi kew zan te melinawen he kebpekesavuk.

1 Tiselunika 1:5

su impesavut dey keniyu is Meupiya he Tudtulanen, kenà pinaag̵i te lalag dey zà, kekenà, pinaag̵i te g̵ehem te Wag̵as he Mulin-ulin. Midheg̵et te Megbevayà dutun is kedsevuta zey kayi. Ne netuenan niw zaan ke hengkey is menge ulaula zey he meupiya wey kew mezeyzey hein diyan key te keniyu.

1 Timoteo 1:1

Sikew, Timoteo he iring te tutuu he anak ku tenged te kedtuu nu ki Kristu, ebpesuratan ku sikew. Iyan a si Pablo he epustul ni Jesu Kristu, he ke và dà egkeg̵iya, sulug̵uen e zin. Nehimu a he epustul mehitenged te sug̵ù te Megbevayà he iyan midlibri kenitew te silut wey mehitenged te sug̵ù ni Jesu Kristu. Iyan sikandin egkeserig̵an ta. Berakat he ikeg̵ag̵ew ka wey kehizuwi ka te Amey tew he Megbevayà wey te Nengazen tew he si Jesu Kristu wey veg̵ayi ke zan te melinawen he kebpekesavuk.

Hibriyuhanen 6:11

Ne is kada sevaha keniyu, egkesuatan dey he kenè niw zaan engkezi is kedhag̵ù niw taman te kedlikù ni Jesus dutun te ketepusan he timpu keuzemà su wey zutun metuman diyan te keniyu is langun he meupiya he ebpeebuten tew.

1 Pedro 1:8

Utew mahal sikandin diyan te g̵ehinawa niw minsan wazè niw pa maahà. Ne edsarig kew kandin minsan pa te kenè niw en sikandin egkeahà guntaan. Ne utew man dekelà is kelipey niw he kenà igkeseysey