Ruma 15:12 - Manobo Western Bukidnon

¹² Ne zuen pa migkag̵i zengan ni Esaias he egkevasa ta, ke sikandin te, “Duen ebpekeuma he kevuwazan ni Isai ne iyan sikandin edhadì te menge etew he kenà menge Hudiyu. Ne iyan sikandin edserig̵an dan,” ke sikandin.

Ruma 15:12 Кръстосани препратки

Mateo 12:21

Ne ebpekesarig kandin is menge etew ziyà te langun he menge nasud.”

1 Kurintu 15:19

Sikitew is tumutuu he uuyag pa, ne zuen egkeperateng tew keuzemà diyà te langit he meupiya pinaag̵i ki Kristu, iyan, ke tarù heini ne iyan kiw mekehizuhizu he menge etew zini te tivuuk he kelibutan su neketuu kiw te tarù.

2 Timoteo 1:12

ne tenged kayi egkeantus ku g̵untaan heini is kemeresayan. Ne minsan pa zutun, netuenan ku ke hentei sikandin is midserig̵an ku, ne netuenan ku zaan he taman te andew keuzemà he edsusiyen din is nengeulaula te menusiyà, metau sikandin he ebantey te langun he insarig din kediey.

1 Pedro 1:21

Pinaag̵i kandin neketuu kiw te Megbevayà. Mibanhew sikandin te Megbevayà ne midhimu zin sikandin he utew lavew. Ne tenged kayi iyan edserig̵an tew g̵untaan is Megbevayà ne ebpekeperateng kiw he edhimuwen kiw zin daan he utew lavew.

1 Juan 3:3

Is minsan hentei he ebperateng te kedlikù ni Kristu, layun din ebpurungi is menge ulaula zin su wey wazà mezaat iring te wazà daan mezaat he ulaula ni Kristu.

Impezayag 22:16

“Siak si Jesus, midsug̵ù ku ziyan te keniyu te menge tumutuu is belinsug̵uen ku wey zin metudtul heini is langun. Iyan a sikan is kevuwazan te hadì dengan he si David. Iyan a sikan is iring te mekevugwas, kes bituen he ed-anlag ke egkepkepawè en,” ke si Jesus.

Impezayag 5:5

Ne zutun migkeg̵iyan a te sevaha zutun te menge meg̵urang. Ke sikandin te, “Kenè ka sineg̵ew su si Jesus, sikan is migeraran he erimaung he kevuwazan ni Huda wey kevuwazan ni Hadì David, iyan sikandin nekezaag ki Setanas, umba zuen din ketenged te ked-abri te velesahan wey te ked-ewaa te pitu he menge tiyap dutun.”