Ruma 15:1 - Manobo Western Bukidnon

¹ Ne sikitew is meheg̵et is kedtuu te Megbevayà, kinahanglan he ed-entusen ta is kenè ta ked-ul-ulaha te ulaula he ibpekesalà te menge zuma ta he kenè pa meheg̵et is kedtuu zan. Ne kenè ta iyan idteg̵el is kenita he egkesuatan,

Ruma 15:1 Кръстосани препратки

Ruma 14:1

Ne ke zuen duma niw he edtuu ki Kristu, iyan, kenè pa meheg̵et is kedtuu zin, dewata niw sikandin, iyan, kenè kew mebpekidlewanà kandin ke is ulaula zin tenged te kedtuu zin, ne kenà utew ebpekeiring te keniyu.

Ruma 14:2

Is etew he meheg̵et en is kedtuu zin, ne iyan ed-isipen din is: egkehimu ke egkeenen ta is minsan hengkey he egkeenen, iyan, is etew he kenè pa meheg̵et is kandin he kedtuu, ne kunaan din ke wazà itug̵ut kenitew is kegkaan te minsan hengkey he usa, ne menge lumbey zà is idsezè din.

Ruma 4:20

Ne wazà sikandin meduwazuwa te penaad te Megbevayà, kekenà, midhemenan din is kedtuu zin ne mibpeselematan din is edhimuwen te Megbevayà.

1 Kurintu 4:10

Sikami, egkeg̵iyen te menge etew he kenè key metau he ed-isip su ibpenurù dey is lalag ni Kristu. Ne sikiyu mulà, egkeg̵iyen niw he utew kew metau tenged te kedtuu niw ki Kristu! Telawen key kun, iyan, sikiyu, utew kew memevurut! Edtehuzen kew te menge etew, iyan, sikami, kenè key mulà edtehuzen, kekenà, ebpesipelahan key zan.

1 Kurintu 9:22

Ne haazà is menge tumutuu he wazà sikandan mekesavut te hustu, egkehimu a he iring kandan ne kenè ku idteg̵el is kediey he egkesuatan su wey pinaag̵i kedì meheg̵et is kedtuu zan. Ne zuen te kada sevaha he ebpenudtulan ku te Lalag te Megbevayà, ebpen-ahaan ku is paag̵i he engayan kandin su wey ku maag̵ak sikandin ne ebpeketuu sikandin ki Jesus.

2 Kurintu 12:10

Ne meupiya en utew te g̵ehinawa ku is kurang ku te ketau, is kedsumpelita wey is pesipala kediey te menge etew, wey is menge kemereg̵enan wey is kemeresayan tenged te kedtuu ku ki Kristu. Su netuenan ku he emun wazè en kediey he ketau, dekelà is ibeg̵ey kediey ni Kristu he ketau.

Ipisu 6:10

Menge suled, ketepusan heini he menge lalag ku keniyu: kinahanglan he lig-eni niw is kedsarig niw te Nengazen wey te lavew he zekelà he gehem din.

Pilipus 2:4

Kenè niw iyan dà isipa is keniyu he egkinehenglanen, kekenà, isipa niw zaan is egkinehenglanen te menge zuma niw.

1 Tiselunika 5:14

Ne iyan daan idhangyù dey keniyu, menge suled, is: keg̵iyi niw is menge peg̵ulen he medterebahu zan. Sembag̵i niw is egkengehandek, lig-eni niw is menge meg̵uyà is kedtuu, ne kinahanglan he mebmepelevayen kew te langun kandan.

2 Timoteo 2:1

Sikew, Timoteo, is iring te tutuu he anak ku, heg̵eta nu is kedtuu nu su zekelà is tavang te Megbevayà kenita tenged te nekidsevaha ki ki Jesu Kristu.

1 Juan 2:14

Sikiyu is menge vatà, ebpesuratan ku sikiyu su menge emig̵u kew en te Amey tew he Megbevayà. Iyan ibpesurati ku keniyu te menge meg̵urang is: tenged te emig̵u kew en ni Kristu. Daan en sikandin te wazè pa limbag̵a is minsan hengkey. Iyan ibpesurati ku keniyu te menge menguhed su mevig̵er en is kedtuu niw ne kenà egkeawà diyan te isip niw is Lalag te Megbevayà, wey nezaag niw en si Setanas.