Ruma 14:6 - Manobo Western Bukidnon

⁶ Su is etew he egkeisip din he utew mahal is sevaha he andew, ne umba egkeisip din is iring dutun su wey mesuat is Megbevayà. Ne iring din ded daan is etew he egkaan te minsan hengkey, umba egkeenen din su egkeisip din he iyan haazà egkesuatan te Megbevayà ne egkepeselematan din haazà te Megbevayà. Ne is etew he menge lumbey zà is idsezè din, ne umba iyan dà haazà idsezè din su egkeisip din he iyan haazà egkesuatan te Megbevayà ne egkepeselematan din daan haazà te Megbevayà.

Ruma 14:6 Кръстосани препратки

Mateo 14:19

Ne zutun migkeg̵iyan din is menge etew he mebpinuu zan diyà te tanà; ne migkuwa zin haazà is lelima he supas wey haazà is dezuwa he pait ne midlingahà diyà te langit ne mibpeselematan din te Megbevayà. Mibpenevìtevì din is menge supas, ne imbeg̵ey zin diyà te menge sumusundan din. Ne minsan pa zutun wazà maamin haazà is supas. Ne midtukid te menge sumusundan din pemeg̵ayi zutun is menge etew.

Mateo 15:36

Ne zutun migkuwa zin haazà is pitu he supas wey menge pait ne mibpeselamatan din te Megbevayà. Ne mibpenevìtevì din ne imbeg̵ey zin diyà te menge sumusundan din haazà ne intukid te menge sumusundan din ipemeg̵ey haazà diyà te menge etew.

Juan 6:28

Ne zutun mid-insaan si Jesus te menge etew, ke sikandan te, “Hengkey is ebeelan dey emun edtumanen dey is ebpeveelan kenami te Megbevayà?”

Gelasya 4:10

Maan is ebenteyanan niw is menge andew, menge vulan, wey menge tuig he ibpetuman te kesug̵uan he imbilinbilin ni Moises?