Ruma 14:3 - Manobo Western Bukidnon

³ Ne is etew he egkeenen din is minsan hengkey, kinahanglan he kenè din isipa he lavew sikandin te etew he menge lumbey zà is idsezè din. Ne iring din ded daan su is etew he menge lumbey zà is idsezè din, ne kinahanglan he kenè din isipa he lavew sikandin te etew he egkaan te minsan hengkey, su midawat sikandan pudu te Megbevayà.

Ruma 14:3 Кръстосани препратки

Mateo 18:10

Ne is menge etew he iring kayi te menge vatà, kenè niw lupig̵i is minsan sevaha kandan su venar is egkeg̵iyen ku keniyu he is menge velinsug̵uen te Megbevayà he ebantey kandan, kenà ed-awà diyà te etuvangan te Amey ku he Megbevayà he ziyà te langit.

Mateo 9:14

Ne zutun nekeuma ziyà te ki Jesus is menge sumusundan ni Juan Megbebewtismu. Ne mid-insè dan te, “Is menge sumusundan nu, maan is kenè dan ebentayan is betasan tew he edsalang egkaan? Sikami mulà wey is menge Perisiyu, layun key edsalang egkaan wey zey mepurungi is ked-azap dey te Megbevayà.”

Lucas 18:9

Ne sengeandew maan dutun ne impezineg ni Jesus is sempità. Ne heini is sempità, ne iyan egkesug̵at is menge etew he kunaan dan ke iyan dan dà memeupiya is ulaula ne edsudien dan is langun he menge zuma he etew.

Nengeulaula 10:34

Ne zutun migkag̵i si Pedro te, “Netuenan ku en he venar iyan he wazà ibpelavi te Megbevayà te minsan hentei,

Nengeulaula 10:44

Ne te kemulu pa egkag̵i si Pedro zutun, mibulusan te Wag̵as he Mulin-ulin is langun he etew he ebpemineg dutun.

Nengeulaula 28:2

Ne is menge meg̵inged dutun, utew key zan midtulengezi. Ed-uzan dutun ne utew meg̵enew ne midtetavun dan.

Ruma 11:15

Su emun dutun te kedsuwayi te Megbevayà te menge Hudiyu, nehimu he nekidsevaha is Megbevayà te menge kenà Hudiyu, ne wey pe be kenà lavew pa he utew meupiya is idtuvad dutun te menge kenà Hudiyu ke ebpekid-uliey en maan is Megbevayà diyà te menge Hudiyu. Utew meupiya is egkeulaula zutun su zutun he timpu iring is tivuuk he menusiyà te minatey he nevanhew en!

Ruma 14:1

Ne ke zuen duma niw he edtuu ki Kristu, iyan, kenè pa meheg̵et is kedtuu zin, dewata niw sikandin, iyan, kenè kew mebpekidlewanà kandin ke is ulaula zin tenged te kedtuu zin, ne kenà utew ebpekeiring te keniyu.

Ruma 14:10

Ne g̵eina te iyan heini, kenà meupiya ke iyan ki edsawey te menge ulaula te menge suled ta te kedtuu wey ke egkeminusan ki kandan su keuzemà sikitew is langun, ebpekeetuvang te Megbevayà ne iyan sikandin edsusi kenitew te langun.

Ruma 14:13

Ne tenged dutun, menge suled, ed-engkezan te en is kedsawey ta te menge ulaula te menge zuma ta he tumutuu. Su kinahanglan he ed-ahaan ta is kenita he menge ulaula su wey wazà minsan hengkey he ulaula ta he ibpekesalà te menge zuma ta.

Ruma 14:15

Ne emun egkeenen niw haazà is kunaan din ke indawey, utew ibmesakit haazà te g̵ehinawa zin ne iring te wazè kew megeg̵awi. Ne kenà meupiya, emun egkepenulayan haazà is etew pinaag̵i te kegkaan niw zutun su zuma niw man he tumutuu ne mibpehimatey si Kristu he elili zaan kandin.

Ruma 14:21

Ne iyan meupiya he ulaula is kenè ki egkaan te egkeenen he kunaan te zuma ke indawey, ne kenè ki ed-inum te vinu, wey kenè ta ed-ul-ulahan is minsan hengkey emun pinaag̵i zutun egkepenulayan is minsan hentei.

Ruma 15:7

Is menge zuma niw he tumutuu, ne zewata niw he iring te menge tempezè niw en te pused niw su midawat kew zaan ni Kristu he iring te tempezè din en te pused. Ne emun ed-ul-ulahan niw heini egkezalig is Megbevayà.