Ruma 14:21 - Manobo Western Bukidnon

²¹ Ne iyan meupiya he ulaula is kenè ki egkaan te egkeenen he kunaan te zuma ke indawey, ne kenè ki ed-inum te vinu, wey kenè ta ed-ul-ulahan is minsan hengkey emun pinaag̵i zutun egkepenulayan is minsan hentei.

Ruma 14:21 Кръстосани препратки

Mateo 13:21

Iyan, kenà egkeheg̵et is kedtuu zan ne kenà egkeug̵et ke egkeumahan sikandan te samuk wey ke kemeresayan be tenged te kedewata zan te Lalag te Megbevayà, edlikù dan diyà te zaan he ulaula zan.

Mateo 16:23

Ne midsinaru si Jesus diyà te ki Pedro is egkag̵i te, “Sikew is ed-iring ki Setanas, awè ka zini te kediey. Egkesanggen a kenikew su wazà diyà te isip nu is egkesuatan te Megbevayà, kekenà, iyan diyà te isip nu is egkesuatan te etew!”

Ruma 14:13

Ne tenged dutun, menge suled, ed-engkezan te en is kedsawey ta te menge ulaula te menge zuma ta he tumutuu. Su kinahanglan he ed-ahaan ta is kenita he menge ulaula su wey wazà minsan hengkey he ulaula ta he ibpekesalà te menge zuma ta.

Ruma 14:17

Su is kedhedii kenita te Megbevayà, ne kenà pinaag̵i te kedtumana ta te menge sug̵ù mehitenged te menge keenen wey inumen he idawey, kekenà, pinaag̵i te kebpeketezenga kenita te Megbevayà he metazeng wey pinaag̵i te melinawen he kebpekidepitè ta te menge zuma ta, wey pinaag̵i zaan te kelipey he ibeg̵ey te Wag̵as he Mulin-ulin.

1 Kurintu 8:13

Ne emun egkehimu he egkepenulayan is duma ku he tumutuu pinaag̵i te kegkaan ku te usa, ne kenà ad maan te minsan keenu egkaan te usa.

1 Kurintu 8:9

Ne minsan pa zutun kinahanglan he purungi niw isipa heini is intug̵ut en keniyu su kela ke tenged keniyu egkesanggen is kedtuu te sevaha he wazè pa sikandin mekesavut te hustu.

Pilipus 1:10

su wey niw layun metueni ke hengkey is hustu ne wey niw layun heini meulaula. Ne zutun wazà keuzemà igkesawey ziyan te keniyu su egkehimu kew he wag̵as dutun te kedlikù ni Kristu.

Hibriyuhanen 12:13

Peniguduwi niw te ed-ikul is hustu he ibayà su wey kenà luyahi is menge zuma niw he mehugkà is kedtuu zan, kekenà, melig-eni is kedtuu zan.

Impezayag 2:14

Duen nepipira he menge ulaula niw he kenè ku egkesuatan, su zuen duma keniyu he edsunuzen dan is impenurù dengan ni Belaam. Su si Belaam, impenurù din dengan ki Balak is paag̵i wey mepenulayi is menge kevuwazan ni Israyil. Iyan is kegkaan te impemuhat diyà te kenà tutuu he megbevayà wey is kedhilavet te kenè dan esawa.