Ruma 14:13 - Manobo Western Bukidnon

¹³ Ne tenged dutun, menge suled, ed-engkezan te en is kedsawey ta te menge ulaula te menge zuma ta he tumutuu. Su kinahanglan he ed-ahaan ta is kenita he menge ulaula su wey wazà minsan hengkey he ulaula ta he ibpekesalà te menge zuma ta.

Ruma 14:13 Кръстосани препратки

Mateo 16:23

Ne midsinaru si Jesus diyà te ki Pedro is egkag̵i te, “Sikew is ed-iring ki Setanas, awè ka zini te kediey. Egkesanggen a kenikew su wazà diyà te isip nu is egkesuatan te Megbevayà, kekenà, iyan diyà te isip nu is egkesuatan te etew!”

Mateo 18:7

Kehizu te menusiyà, su zuen iyan menge ebpekeawà te kedsarig te menge etew. Layun egkehitavù is iring kayi, iyan, kehizu utew te etew he pinaag̵i kandin egkeawà is kedsarig kediey te minsan hentei he midtuu kedì su utew meveg̵at is silut kandin te Megbevayà.

Mateo 7:1

“Kenè kew medsawey te zuma niw ne kenè kew zaan edsewayen te Megbevayà.

Lucas 12:57

Ne ke si Jesus te, “Deyzey ke ed-isipen niw is hustu he ed-ul-ulahan.

Lucas 17:2

Meupiya pa ziyà te kandin ke idhiket diyà te lieg din is dekelà he g̵elingan he vatu ne id-agbur ziyà te lawed te zag̵at, kenà is silut kandin emun pinaag̵i kandin egkeawà is kedsarig te minsan sevaha zà kayi te menge vatà.

Ruma 11:9

Ne tenged te kenà kedtuu te menge Hudiyu, duen daan migkag̵i zengan ni David he edhenduen te, “Berakat he tenged te menge meupiya he intuvad kandan te Megbevayà meisip dan he wazè dan salà, ne berakat he pinaag̵i kayi edsilutan sikandan.

Ruma 14:10

Ne g̵eina te iyan heini, kenà meupiya ke iyan ki edsawey te menge ulaula te menge suled ta te kedtuu wey ke egkeminusan ki kandan su keuzemà sikitew is langun, ebpekeetuvang te Megbevayà ne iyan sikandin edsusi kenitew te langun.

Ruma 14:3

Ne is etew he egkeenen din is minsan hengkey, kinahanglan he kenè din isipa he lavew sikandin te etew he menge lumbey zà is idsezè din. Ne iring din ded daan su is etew he menge lumbey zà is idsezè din, ne kinahanglan he kenè din isipa he lavew sikandin te etew he egkaan te minsan hengkey, su midawat sikandan pudu te Megbevayà.

Ruma 14:4

Kenà egkehimu he edsusiyen ta is menge ulaula te sulug̵uen te sengeeetew en su haazà is egalen din, iyan edsusi kandin ke netuman din en be is ebpeveelan kandin wey ke wazà. Ne iring din ded daan, kenà egkehimu he edsusiyen ta is menge ulaula te zuma ta he tumutuu su iyan edsusi kandin is Megbevayà. Siguradu he egketuman din is ebpeveelan kandin te Megbevayà su edtavang kandin is Megbevayà.

Ruma 16:17

Menge suled, edhengyuen ku keniyu he mebantey kew, ne likayi niw is menge etew he edsamuk te kebpekidsevaha niw wey kedtuu niw te menge tumutuu su edsupaken dan is tutuu he tuluuwen he impenurù keniyu.

1 Kurintu 10:32

Tenged kayi, kinahanglan he wazà minsan hengkey he ulaula niw he ibmesakit te g̵ehinawa te minsan hentei he etew, Hudiyu se kenà Hudiyu wey menge zuma niw he tumutuu te Megbevayà.

1 Kurintu 11:13

Isipa niw man ke hengkey is meupiya. Netuenan niw en he kenà meupiya ke zuen bahi ziyà te simbahan he ed-ampù he wazà lembung te ulu zin.

2 Kurintu 5:14

Ne umba edhag̵ù key su netuenan dey he mahal key ziyà te g̵ehinawa ni Kristu. Netuenan dey he midhimetayan sikandin is sebsevaha he elili te tivuuk he menusiyà ne tenged kayi henduen be te pudu en nekeag̵i te kemetayen is tivuuk he menusiyà.

2 Kurintu 6:3

Egkesuatan dey he wazà igkesawey te minsan hentei te ulaula zey su wey wazà igkesudì dan te kedsengyawa zey te Lalag te Megbevayà.

Pilipus 1:10

su wey niw layun metueni ke hengkey is hustu ne wey niw layun heini meulaula. Ne zutun wazà keuzemà igkesawey ziyan te keniyu su egkehimu kew he wag̵as dutun te kedlikù ni Kristu.

1 Timoteo 5:14

Ne tenged kayi egkesuatan ku he mebpeuman mebpeesawa is menge menguhed he valu he vahi su wey mekeanak sikandan ne med-elima te pemilya zan. Ne zutun wazà igkesewayi kandan te menge kuntada tew.

Santiago 2:4

Kenè be mezaat heeyan he ulaula su kenè niw ebpedrerepengen is kedtahud niw te menge zuma niw he tumutuu su kunaan niw ke hustu ke ebmahalen ta is sepian ne kenà is egkeayuayu.

Santiago 4:11

Menge suled, kenè kew mebpesudsudiey wey mebpesewsewayà su is edsudì wey edsawey te zuma zin he tumutuu, ne iring te edsudien din wey edsewayen din is lavew he sug̵ù. Ne emun edsewayen ta haazà is sug̵ù, kenè ta edtumanen, kekenà, edsumpeliten ta.

1 Juan 2:10

Is etew mulà he ebmahalen din is duma zin, iyan sikandin kes edteyawan is isip din te Megbevayà, ne kenè din ibpekesalà is menge ulaula zin.

Impezayag 2:14

Duen nepipira he menge ulaula niw he kenè ku egkesuatan, su zuen duma keniyu he edsunuzen dan is impenurù dengan ni Belaam. Su si Belaam, impenurù din dengan ki Balak is paag̵i wey mepenulayi is menge kevuwazan ni Israyil. Iyan is kegkaan te impemuhat diyà te kenà tutuu he megbevayà wey is kedhilavet te kenè dan esawa.