Ruma 14:10 - Manobo Western Bukidnon

¹⁰ Ne g̵eina te iyan heini, kenà meupiya ke iyan ki edsawey te menge ulaula te menge suled ta te kedtuu wey ke egkeminusan ki kandan su keuzemà sikitew is langun, ebpekeetuvang te Megbevayà ne iyan sikandin edsusi kenitew te langun.

Ruma 14:10 Кръстосани препратки

Mateo 7:1

“Kenè kew medsawey te zuma niw ne kenè kew zaan edsewayen te Megbevayà.

Lucas 18:9

Ne sengeandew maan dutun ne impezineg ni Jesus is sempità. Ne heini is sempità, ne iyan egkesug̵at is menge etew he kunaan dan ke iyan dan dà memeupiya is ulaula ne edsudien dan is langun he menge zuma he etew.

Lucas 23:11

Ne zutun si Hirudis wey is menge sundaru zin, ne mibaleyvaley zan si Jesus ne mid-eled-eled dan sikandin. Ne midsun-uzan dan te meupiya he bisti su uvag kun hadì, ne zutun impelikù dan diyà te ki Pilatu.

Juan 5:22

Is Amey ku, kenà iyan sikandin edsusi keuzemà te nengeveelan te tivuuk he menusiyà su siak is anak din, mibeg̵ayan e zin te ketenged te kedsusi te nengeveelan te menusiyà,

Nengeulaula 10:42

Ne insug̵ù din kenami he ipesavut dey te menge etew is Lalag te Megbevayà. Insug̵ù daan ni Jesus he ibpesavut dey he iyan sikandin sikan is intezù te Megbevayà he edsusi keuzemà te menge nengeulaula te menge etew he uuyag pa wey minsan is nemematey en.

Nengeulaula 17:31

Midtendek din en is andew keuzemà he zutun ed-imbistigahan din is tivuuk he menusiyà, ne metazeng daan is ked-imbistiga zin pinaag̵i te etew he mibpilì din. Impeehè din he tutuu heini is ebeelan din su haazà is etew, minatey ne mibanhew te Megbevayà!”

Nengeulaula 4:11

Iyan si Jesus kes batu he netagnà te insurat dengan he Lalag te Megbevayà he edhenduen te, ‘Sikan is batu he himan te valey, mid-engkezan niw te menge pandey su kunaan niw ke wazè din pulus. Iyan, nehimu en heini g̵untaan he vatu he iyan dà igkepurungi te valey.’

Ruma 2:16

Ne kenà heini egkelipatan te Megbevayà keuzemà te andew he zutun pinaag̵i ki Jesu Kristu edsusiyen din is minsan in-eles he menge isip te langun he menge etew. Iyan heini ibpenurù pinaag̵i kayi te Meupiya he Tudtulanen he idsangyew ku.

1 Kurintu 4:5

Umba, kenè kiw edsawey te menge zuma tew, kekenà, edteg̵azan tew is kedlikù te Nengazen tew he si Jesus. Ibpeg̵awag̵awa zin dutun is nekeeles he menge vaal te menge etew g̵untaan, ne ibpetuenan din is wazè pa metueni he menge ed-isipen te menge etew. Ne zutun egketuenan te kada sevaha he etew ke zuen igkezelig̵i kandin te Megbevayà wey ke wazà.

2 Kurintu 5:10

Su is minsan hentei kenitew, kinahanglan he ziyà ed-etuvang keuzemà te ki Kristu su edsusiyen din is menge ulaula tew su wey mezawat te kada sevaha kenitew is suhul he zait te langun he mid-ulaula zin dini te kelibutan ke meupiya ve wey ke wazè din menge pulus.