Ruma 14:1 - Manobo Western Bukidnon

¹ Ne ke zuen duma niw he edtuu ki Kristu, iyan, kenè pa meheg̵et is kedtuu zin, dewata niw sikandin, iyan, kenè kew mebpekidlewanà kandin ke is ulaula zin tenged te kedtuu zin, ne kenà utew ebpekeiring te keniyu.

Ruma 14:1 Кръстосани препратки

Mateo 12:20

Kenè din edlekaan is meluya is kedtuu zin kandin. Su edtevangan din is minsan hentei, minsan sikan is deisek is kedsarig din kandin. Kenà ed-engked ebpenudtul taman te ebpekeeneb diyà te minsan hendei is metazeng he ulaula.

Mateo 14:31

Ne segugunà migewezi sikandin ni Jesus te egkag̵i te, “Maan is kenè ka ebpekesarig kediey? Maan is eduwazuwa ka?”

Mateo 18:10

Ne is menge etew he iring kayi te menge vatà, kenè niw lupig̵i is minsan sevaha kandan su venar is egkeg̵iyen ku keniyu he is menge velinsug̵uen te Megbevayà he ebantey kandan, kenà ed-awà diyà te etuvangan te Amey ku he Megbevayà he ziyà te langit.

Marcos 7:19

su is egkeenen din, ne ziyè dà ebpekevayà te g̵etek din ne zutun ed-awà diyà te kandin; kenà diyà ebpekevayà te g̵ehinawa zin.” (Ne pinaag̵i kayi te menge lalag ni Jesus, egketuenan ta he is minsan hengkey he egkekaan, idtug̵ut kenitew he egkeenen tew.)

Lucas 17:2

Meupiya pa ziyà te kandin ke idhiket diyà te lieg din is dekelà he g̵elingan he vatu ne id-agbur ziyà te lawed te zag̵at, kenà is silut kandin emun pinaag̵i kandin egkeawà is kedsarig te minsan sevaha zà kayi te menge vatà.

Juan 13:20

Utew venar is egkeg̵iyen ku keniyu he ke zuen etew he edewaten din is edsug̵uen ku, edewaten e zin daan, ne is edawat kediey, edewaten din daan is Amey ku he midsug̵ù kediey.”

Nengeulaula 28:2

Ne is menge meg̵inged dutun, utew key zan midtulengezi. Ed-uzan dutun ne utew meg̵enew ne midtetavun dan.

Ruma 11:15

Su emun dutun te kedsuwayi te Megbevayà te menge Hudiyu, nehimu he nekidsevaha is Megbevayà te menge kenà Hudiyu, ne wey pe be kenà lavew pa he utew meupiya is idtuvad dutun te menge kenà Hudiyu ke ebpekid-uliey en maan is Megbevayà diyà te menge Hudiyu. Utew meupiya is egkeulaula zutun su zutun he timpu iring is tivuuk he menusiyà te minatey he nevanhew en!

Ruma 14:2

Is etew he meheg̵et en is kedtuu zin, ne iyan ed-isipen din is: egkehimu ke egkeenen ta is minsan hengkey he egkeenen, iyan, is etew he kenè pa meheg̵et is kandin he kedtuu, ne kunaan din ke wazà itug̵ut kenitew is kegkaan te minsan hengkey he usa, ne menge lumbey zà is idsezè din.

Ruma 14:21

Ne iyan meupiya he ulaula is kenè ki egkaan te egkeenen he kunaan te zuma ke indawey, ne kenè ki ed-inum te vinu, wey kenè ta ed-ul-ulahan is minsan hengkey emun pinaag̵i zutun egkepenulayan is minsan hentei.

Ruma 14:3

Ne is etew he egkeenen din is minsan hengkey, kinahanglan he kenè din isipa he lavew sikandin te etew he menge lumbey zà is idsezè din. Ne iring din ded daan su is etew he menge lumbey zà is idsezè din, ne kinahanglan he kenè din isipa he lavew sikandin te etew he egkaan te minsan hengkey, su midawat sikandan pudu te Megbevayà.

Ruma 15:1

Ne sikitew is meheg̵et is kedtuu te Megbevayà, kinahanglan he ed-entusen ta is kenè ta ked-ul-ulaha te ulaula he ibpekesalà te menge zuma ta he kenè pa meheg̵et is kedtuu zan. Ne kenè ta iyan idteg̵el is kenita he egkesuatan,

Ruma 15:7

Is menge zuma niw he tumutuu, ne zewata niw he iring te menge tempezè niw en te pused niw su midawat kew zaan ni Kristu he iring te tempezè din en te pused. Ne emun ed-ul-ulahan niw heini egkezalig is Megbevayà.

Ruma 4:19

Ne zutun he timpu nenggatus en is penuig̵en ni Abraham, ne netuenan din he meg̵urang en utew sikandin, ne kenè en egkehimu he egkevuwad pa sikandin. Ne netuenan din daan he kenà ebpekeanak si Sara he esawa zin su kenà si Sara ed-anak. Ne minsan pa zutun, mezesen is kedtuu zin.

1 Kurintu 9:22

Ne haazà is menge tumutuu he wazà sikandan mekesavut te hustu, egkehimu a he iring kandan ne kenè ku idteg̵el is kediey he egkesuatan su wey pinaag̵i kedì meheg̵et is kedtuu zan. Ne zuen te kada sevaha he ebpenudtulan ku te Lalag te Megbevayà, ebpen-ahaan ku is paag̵i he engayan kandin su wey ku maag̵ak sikandin ne ebpeketuu sikandin ki Jesus.

Pilipus 2:29

Umba, kinahanglan he meg̵alew kew te kebpekeuma zin su suled tew sikandin tenged te kedtuu zin te Nengazen. Is langun he iring kayi he etew, tehuza niw

1 Tiselunika 5:14

Ne iyan daan idhangyù dey keniyu, menge suled, is: keg̵iyi niw is menge peg̵ulen he medterebahu zan. Sembag̵i niw is egkengehandek, lig-eni niw is menge meg̵uyà is kedtuu, ne kinahanglan he mebmepelevayen kew te langun kandan.

Hibriyuhanen 5:14

Ne emun meg̵urang ki en ne egkesepè te en is mehunit he egkeenen, he ke và dà egkeg̵iya, mezalem en is igkepenurù kenita ne metau ki en he ed-isip-isip, ne egketuusan te en ke hengkey is meupiya wey ke hengkey is mezaat he ibayà.

2 Juan 1:10

Ke zuen ebpekeuma he minsan hentei he ebpenurù te tuluuwen ne kenè din iyan ibpenurù is tutuu he tuluuwen he impenurù ni Kristu, kenè niw ipepemenahik diyan te valey niw. Kenè niw zaan igalewg̵alew sikandin.