Ruma 13:6 - Manobo Western Bukidnon

⁶ Ne iyan daan heini ketezengan ke maan is ebayad ki te vuhis, su is menge upisyal, ne iring te iyan egalen dan is Megbevayà ke hustu is kedtumana zan te ebpeveelan kandan.

Ruma 13:6 Кръстосани препратки

Lucas 23:2

Ne hein nekeuma zan dutun ne impezineg dan ki Pilatu is menge sumbung dan. Ke sikandan te, “Midsusi zey heini is etew ne netuenan dey he edsinamuk kayi te inged tew su ibpeengked din is menge etew he ebayad te vuhis diyà te lavew he hadì tew ziyà te inged he Ruma. Ne kenà duen dà taman su egkeg̵iyen din he iyan sikandin si Kristu, he ke và dà egkeg̵iya, hadì.”

Ruma 12:8

Ne emun iyan imbeg̵ey kenita is ketau te kedheg̵eta te kedtuu te menge zuma ta ne iyan heini ed-ul-ulahan ta. Ne emun iyan imbeg̵ey kenita is ketulanged ta te kedtavang te menge etew he egkengeayuayu, ne kinahanglan he edtulanged ki te kedtavang kandan. Ne emun iyan imbeg̵ey kenita is kedumelaha te menge tumutuu ne kinahanglan he ebpurungan ta is kedumala ta. Ne emun iyan imbeg̵ey kenita is kedtavang te menge etew he edlised ne kinahanglan he kenà pinaag̵i te ked-usur is ked-ul-ulaha ta kayi.

Ruma 13:5

Tumana niw is menge sug̵ù te gubirnu, kenà tenged dà te egkehandek kew te silut te Megbevayà, kekenà, tenged te netuenan niw he iyan heini hustu he ed-ul-ulahan.

Ruma 13:7

Ne tenged kayi kinahanglan he ebeyazan ta is buhis wey is duma pa he ebpeveyazan kenita te gubirnu. Ne edtehuzen ta zaan is menge etew te gubirnu, ne ibpeehè ta is dekelà he kedtehuza ta te pid-etawan dan.