Ruma 13:4 - Manobo Western Bukidnon

⁴ Ne haazà is etew he ed-uwit te velaud, ne sulug̵uen sikandin te Megbevayà su wey mebmeupiya is kebpekesavuk tew. Ne emun mezaat is ulaula tew ne hustu iyan he igkehandek tew su egkehimu he meveg̵at is idsilut din. Sulug̵uen sikandin te Megbevayà ne edtumanen din is egkesuatan te Megbevayà ke edsilutan din is menge mesinupaken.

Ruma 13:4 Кръстосани препратки

Ruma 12:19

Kenè niw, menge minahal ku he suled, velesi is etew he ed-ulaula te mezaat diyà te keniyu, kekenà, pesegdana niw he iyan edsilut is Megbevayà su zuen insurat he Lalag te Megbevayà he edhenduen te, “Iyan a ebales; iyan a edsilut.”

Ruma 13:6

Ne iyan daan heini ketezengan ke maan is ebayad ki te vuhis, su is menge upisyal, ne iring te iyan egalen dan is Megbevayà ke hustu is kedtumana zan te ebpeveelan kandan.

1 Tiselunika 4:6

Kinahanglan he wazà minsan hentei he ebpekesalà wey ed-akal te zuma zin pinaag̵i te menge ulaula he iring kayi. Su edsilutan te Megbevayà is ed-ulaula te iring dutun. Heini impurung dey ipenurù keniyu.

1 Pedro 2:14

Ebpesakup ki zaan te gubirnedur su iyan midsug̵ù te lavew he hadì wey zin siluti is menge mesinupaken ne wey zin daan delig̵a is menge metazeng.