Ruma 13:14 - Manobo Western Bukidnon

¹⁴ Ne idsun-ud ta is Nengazen tew he si Jesu Kristu, he ke và dà egkeg̵iya, ed-ul-ulahan ta is ulaula zin. Ne kenè te en maan ed-isipen is kedtumana te menge mezaat he kebayà te lawa ta.

Ruma 13:14 Кръстосани препратки

Gelasya 3:27

Su midtuuwan niw si Jesu Kristu, ne nebewtismuwan kew he tuus te sumusundan kew zin, ne tenged dutun insun-ud niw si Kristu, he ke và dà egkeg̵iya, neiringan niw is menge ulaula ni Kristu.

Gelasya 5:24

Ne is minsan hentei he migaked en ni Jesu Kristu, ne iring te inransang din en te krus is mekesesalà he lawa zin, he ke và dà egkeg̵iya, mid-engkezan din en is menge mezaat he kebayè din wey egkesuatan din.

Ipisu 4:24

Kinahanglan he edhimuwen kew he veg̵u en he etew he iyan sikan is beg̵u en he linimbag pinaag̵i te zagwey te Megbevayà. Egketuusan heini is beg̵u he etew pinaag̵i te menge tutuu wey metazeng he ulaula he ibpeulaula keniyu te Megbevayà.

Kulusas 2:23

Haazà is menge etew, henduen be te hustu is ibpenurù dan. Egkag̵i zan he kinahanglan he ed-ezapen ta is menge velinsug̵uen te Megbevayà, wey kinahanglan he ebminusen ta is pid-etawan ta wey kinahanglan daan he edresayen ta is lawa ta. Ne minsan pa kayi, kenà hustu heini is ibpenurù dan su is menge sug̵ù he iring kayi, ne kenà heini ebpeketavang kenita te kedsukul te mezaat he kebayà te lawa ta.

1 Pedro 2:11

Menge minahal ku he suled, kenè en hustu he inged tew heini is kelibutan su menge humuhulevungà kiw zà dini. Ne tenged dutun edhengyuan ku sikiyu he kenè niw pezumdumahi is menge mezaat he kebayè niw su ebpekesanggen heini te kedsundan niw te Megbevayà.