Ruma 12:20 - Manobo Western Bukidnon

²⁰ Iyan ed-ul-ulahan ta is sambag te insurat he Lalag te Megbevayà he edhenduen te, “Emun egkevitil is kuntada nu, ipekaan nu. Emun egkemezahan, ipeinum. Su emun iyan heini ed-ul-ulahan nu, utew sikandin egkeeled tenged te pesipala zin kenikew.”

Ruma 12:20 Кръстосани препратки

Mateo 5:44

Ne iyan mulà kediey he penurù is: ebpurungan ta is menge kuntada ta wey ebpenubtuvazan ta te meupiya is ebpesipala kenita.

Lucas 6:27

Iyan egkeg̵iyen ku keniyu te menge sumusundan ku he ebpemineg kediey g̵untaan is: kinahanglan he kenà mezaat is gehinawa niw ziyà te menge kuntada niw, kekenà, purungi niw is egkengeepes keniyu.

Ruma 12:21

Minsan ke utew mezaat is pesipala kenita kenè ta ebelesan te mezaat su emun ebelesan ta, egkezaag ki su egkeuwit ki te mezaat. Iyan ed-ul-ulahan ta is meupiya he vales ne tenged kayi iyan egkezaag is kuntada ta su egkeuwit sikandin te meupiya.