Ruma 12:14 - Manobo Western Bukidnon

¹⁴ Is ebpesipala kenita, id-ampù ta ziyà te Megbevayà he tuvazi zin. Ne kenè ta iyan id-ampù he siluti zin.

Ruma 12:14 Кръстосани препратки

Mateo 5:44

Ne iyan mulà kediey he penurù is: ebpurungan ta is menge kuntada ta wey ebpenubtuvazan ta te meupiya is ebpesipala kenita.

Lucas 23:34

Ne zutun te kemulu zan pa idransang si Jesus, ne mid-ampù sikandin diyà te Megbevayà, ke sikandin te, “Amey ku, peseyluwa nu sikandan su wazè dan metueni ke hengkey heini is ed-ul-ulahan dan.” Ne zutun, haazà is midransang kandin, midripa zan ke hentei is ebpekeangken te menge ugelingen ni Jesus.

Lucas 6:28

Penubtuvazi niw te meupiya is ebpenrawak keniyu. Iampù te Megbevayà is ebpesipala keniyu.

Nengeulaula 7:60

Ne zutun nekeluhud ne mid-uman megkag̵i te, “He Nengazen, kenè nu isipa he idsilut kandan heini is salè dan.” Ne te nekag̵i zin haazà, naawà is gehinawa zin.

Ruma 12:21

Minsan ke utew mezaat is pesipala kenita kenè ta ebelesan te mezaat su emun ebelesan ta, egkezaag ki su egkeuwit ki te mezaat. Iyan ed-ul-ulahan ta is meupiya he vales ne tenged kayi iyan egkezaag is kuntada ta su egkeuwit sikandin te meupiya.

1 Tiselunika 5:15

Kenè niw itug̵ut he zuen minsan hentei keniyu he ebales te mezaat, kekenà, mebpepurpurungè kew layun. Purungi niw zaan is minsan hentei he etew.

Santiago 3:10

Utew heini igkeinuinu su sebsevaha zà is puunà te kedrawak wey kebpeselamat! Menge suled, kenà heini meupiya.

1 Pedro 3:9

Ke zuen ebpesipala keniyu kenè niw velesi te mezaat. Ke zuen edrawak keniyu kenè niw zaan penrewaki, kekenà, belesi niw te meupiya. Su umba midhimu kew te Megbevayà he menge tumutuu su wey kew zin metuvazi te meupiya.