Ruma 12:13 - Manobo Western Bukidnon

¹³ Ebeg̵ayan tew te tavang is menge suled tew he egkengeayuayu. Ne ibpepemenahik ta ziyà te valey ta is etew he humuhulevungà.

Ruma 12:13 Кръстосани препратки

Mateo 25:35

Su hein nevitil a, impekaan a keniyu; ne hein nemezahan a, impeinum a keniyu; minsan wazà a keniyu mekilala, midawat a keniyu ziyan te valey niw.

Nengeulaula 10:4

Ne si Cornelio, netengtengan din haazà is belinsug̵uen ne utew sikandin nahandek. Ne ke sikandin te, “Hengkey?” Ne migkag̵i haazà is belinsug̵uen te, “Midineg en te Megbevayà is ked-ampù nu ne neehè din is ketulanged nu ne kenè ke zin egkelipatan.

Nengeulaula 4:35

ne ibeg̵ey zin is halin dutun diyà te menge epustul ne ebeg̵ayan te menge epustul is minsan hentei he edlised.

Ruma 12:8

Ne emun iyan imbeg̵ey kenita is ketau te kedheg̵eta te kedtuu te menge zuma ta ne iyan heini ed-ul-ulahan ta. Ne emun iyan imbeg̵ey kenita is ketulanged ta te kedtavang te menge etew he egkengeayuayu, ne kinahanglan he edtulanged ki te kedtavang kandan. Ne emun iyan imbeg̵ey kenita is kedumelaha te menge tumutuu ne kinahanglan he ebpurungan ta is kedumala ta. Ne emun iyan imbeg̵ey kenita is kedtavang te menge etew he edlised ne kinahanglan he kenà pinaag̵i te ked-usur is ked-ul-ulaha ta kayi.

1 Kurintu 16:15

Netuenan niw, menge suled, he iyan nehuna he nemeketuu ziyan te prubinsya he Gerisya ensi Istipenas. Ne wazè dan meduwazuwa te kedtevangi zan te menge zuma zan he tumutuu.

2 Kurintu 9:1

Wazà kinahanglan he idsurat ku keniyu ke hengkey is hustu he ed-ul-ulahan niw te kedtavang te menge tumutuu he egkengeayuayu

2 Kurintu 9:12

Ne heini is ibeg̵ey niw, kenà iyan dà pulus din is kegketavangi te menge tumutuu te Megbevayà, kekenà, pinaag̵i kayi utew mezakel he etew is ebpeselamat te Megbevayà.

Gelasya 6:10

Ebpurungan ta layun is minsan hentei he etew, lavew en is menge zuma ta he tumutuu ki Kristu.

1 Timoteo 3:2

Iyan, is ed-uwit te menge tumutuu, kinahanglan he wazà igkesewayi kandin. Sevaha zà is esawa zin ne kenè din selselai. Kinahanglan he egketengkaan layun is ed-ul-ulahan din; metau sikandin he ed-isip te hustu wey telehuzen sikandin. Kinahanglan he meelima sikandin te menge meg̵eliyug din. Kinahanglan daan he metau he ebpenurù.

1 Timoteo 5:10

Ne kinahanglan daan he nevantug sikandin tenged te menge vaal zin he meupiya iring te ked-elimahi te menge vatà, ked-elimahi te menge meg̵eliyug; nekelùlù sikandin te paa te menge tumutuu, midtavang sikandin te nengeseeng wey mibeelan din is minsan hengkey he menge meupiya.

Tito 1:8

Kinahanglan he meelima sikandin te menge meg̵eliyug din ne kinahanglan daan he iyan utew zin egkesuati is kedtevangi zin te menge etew. Metau sikandin he ed-isip te hustu. Metazeng sikandin he etew wey igkesuat te Megbevayà is menge ulaula zin. Metau zaan sikandin he ed-eg̵en te menge suat te lawa zin.

Tito 3:14

Ipenurù nu ziyà te menge zuma nu he tumutuu ziyan he kinahanglan he iyan dekelà diyà te g̵ehinawa zan is ked-ulaula zan te meupiya wey zan metevangi is menge edlised. Kenà meupiya ke zuen tumutuu he peg̵ulen su wazà pulus dutun.

Pilimun 1:7

Utew ku ingkelipey, Geli, is kebmahala nu te menge zuma tew he tumutuu. Ingkeheg̵et heini te kedtuu ku su pinaag̵i kenikew nengelipey is gehinawa te menge etew ziyan he g̵aked te Megbevayà.

Hibriyuhanen 13:16

Kenè niw lipati is kebpurung niw te minsan hentei he zuma niw, ne mebpetebtevangè kew su is ulaula he iring kayi, ne iring te pemuhat he egkesuatan te Megbevayà.

Hibriyuhanen 13:2

Kenè niw lipati he kinahanglan he ibpeehè niw is gag̵ew niw ziyà te menge etew he kenè niw kilala. Gelg̵elawa niw ziyà te valey niw su zuen dengan menge etew he zuen menge meg̵eliyug dan, iyan, wazè dan metueni he menge velinsug̵uen bes haazà te Megbevayà he ebpuun diyà te langit.

Hibriyuhanen 6:10

Su kenà egkehimu he kenà metazeng is kedsusiya keniyu te Megbevayà; su kenà egkehimu he egkelipatan din is langun he meupiya he mid-ulaula niw tenged te mahal sikandin diyà te g̵ehinawa niw su midtevangan niw is menge zuma tew he tumutuu ne minsan guntaan wazè niw engkezi is kedtevangi niw kandan.

1 Pedro 4:9

Kinahanglan he utew kew metulanged is ebpepemenahik te menge humehulevungà diyan te valey niw.

1 Juan 3:17

Ke zuen minsan hentei kenitew he egkehimu he edtevangan din is duma zin he edlised, iyan, kenè din edtevangan, kenà egkehimu he mahal ziyà te g̵ehinawa zin is Megbevayà.

3 Juan 1:5

Minahal ku he suled, utew ka velig̵eg̵awen su mibpurungan nu is menge suled tew he midtuluy ziyan minsan te sikan nu pa sikandan mekilala.