Ruma 12:1 - Manobo Western Bukidnon

¹ Na, menge suled, tenged te utew zekelà he hizu kenitew te Megbevayà, edhengyuan ku sikiyu he ipeveyveyai niw kandin is lawa niw wey g̵ehinawa niw. Iyan heini ibpemuhat he kenà edhimetayan, ne kinahanglan he wazà igkesawey zuen su wey mesuati te Megbevayà. Ne iyan heini hustu he ked-ezapa niw kandin.

Ruma 12:1 Кръстосани препратки

Lucas 7:47

Umba migkag̵i ku heini kenikew su egketuusan ta kayi te vahi he mezakel is menge ulaula zin he mezaat he nengepesaylu en te Megbevayà su utew a mahal ziyà te g̵ehinawa zin. Ne ke zuen etew he zeisek dà is menge ulaula zin he mezaat he nepesaylu te Megbevayà, wazè din utew g̵ehinawa te Megbevayà.”

Ruma 12:2

Kenè niw iringi is menge ulaula te menge etew he kuntada te Megbevayà, kekenà, itug̵ut niw he helina kew te Megbevayà pinaag̵i te kebeg̵uwa zin te isip niw. Ne zutun egkesavut niw human is egkesuatan te Megbevayà, he ke và dà egkeg̵iya, egkesavut niw ke hengkey is menge ulaula he metazeng he egkesuatan he kenà egkesewayan te Megbevayà.

Ruma 15:16

wey a mehimu he sug̵ù ni Jesu Kristu ziyan te keniyu te menge etew he kenà menge Hudiyu. Henduen te memumuhat a su ke pinaag̵i kedì ebpeketuu is menge etew; egkehimu zan he iring te pemuhat ku he pinaag̵i te kedlumpiyuwi kandan te Wag̵as he Mulin-ulin edewaten te Megbevayà.

Ruma 15:30

Menge suled, tenged te mahal ziyà te g̵ehinawa niw is Nengazen tew he si Jesu Kristu wey tenged te kebpekedhihizuwè tew he ibeg̵ey kenitew te Wag̵as he Mulin-ulin, edhengyuan ku sikiyu he peniguduwi a keniyu iampù diyà te Megbevayà.

Ruma 2:4

Kunaan nu vuwa ke g̵eina te utew mepelevayen wey metulanged is Megbevayà, ne kenè en kinahanglan he ebpezumdumahan nu is menge lalag din. Iyan, iyan ketezengan ke maan is utew velig̵eg̵awen is Megbevayà su ed-eg̵aken ke zin su wey nu meiniyug̵i is mezaat he ulaula.

Ruma 6:13

Kenè ta egemiten is minsan hengkey he vahin te lawa ta te ked-ulaula te mezaat, kekenà, idtug̵ut ta he iyan ebayàbayà kenita is Megbevayà su zait heini kenita te nelibri en te kemetayen ne mibeg̵ayan te veg̵u en he untung. Ne idtug̵ut ta he iyan egamit te lawa ta is Megbevayà wey ta meulaula is metazeng.

Ruma 6:16

Su netuenan niw he ke ebpesakup ki te minsan hentei su wey ki zin meveyveyai, egkehimu ki en he iring te uripen din. Ne iring din ded daan is etew he ebpilien din he iring te egalen din is mezaat he kebayè din. Ne idsilut kandin is kemetayen he wazè din pidtemanan. Ne is etew mulà he ebpesakup te Megbevayà ne ed-isipen te Megbevayà he metazeng sikandin.

Ruma 6:19

Umba insempitè ku is egkeulaula te uripen su wey melemu niw mesavut is ibpesavut ku. Su zengan iring te mibpeuripen kew te mezaat he kebayà ne ingkesuat niw he ed-ul-ulahan te lawa niw is menge meremerik wey mezaat he ulaula he layun ed-iseg he mezaat. Iyan, guntaan kinahanglan he himuwa niw is lawa niw he metazeng he sulug̵uen te Megbevayà wey niw metuman is egkesuatan din.

Ruma 9:23

Ne iyan heini mid-ulaula zin su wey sikita is egkehizuwan din, ikepesavut din kenita ke hengkey is utew meupiya he kebpekesavuk din su midteg̵enahan ki zin wey ki zin keuzemà metulus.

1 Kurintu 1:10

Menge suled ku tenged te kedtuu, duen idhangyù ku keniyu pinaag̵i te kebayàbayà kenitew te Nengazen tew he si Jesus; iyan is: kinahanglan he kenè kew mevahinbahin, kekenà, uyun-uyun kew su wey mesevaha is isip niw wey g̵ehinawa niw.

2 Kurintu 10:1

Duen egkag̵i he siak, si Pablo, telawen a emun diyan a te keniyu, iyan, memeg̵arang kun is menge lalag ku keniyu emun edlelag̵an ku sikiyu pinaag̵i te surat. Iyan, guntaan, kenà meg̵arang is menge lalag ku, kekenà, edhangyù a keniyu pinaag̵i te menayù he menge lalag iring te menayù wey velig̵eg̵awen si Kristu.

2 Kurintu 4:1

Nehizuwan key te Megbevayà ne midtezù key zin wey zey metuman is ebpeveelan din kenami mehitenged te kedsengyawa te veg̵u he paag̵i ne tenged dutun kenà egkeawà is gustu zey te kedtumana kayi.

2 Kurintu 4:16

Ne tenged kayi kenà egkeawà is pulus te kedhag̵ù dey. Kada andew ne ed-iseg is kebmeg̵urang wey kebmeg̵uyà te lawa zey. Ne minsan pa zutun kada andew zaan ne ibpeiseg te Megbevayà is kedlig-eni zin te kedtuu zey.

2 Kurintu 5:20

Umba midsug̵ù key ni Kristu su wey pinaag̵i kenami ebpekehangyù keniyu is Megbevayà. Ne tenged ki Kristu edhengyuan dey zaan sikiyu he itug̵ut niw he himuwa kew te Megbevayà he menge emig̵u zin.

2 Kurintu 6:1

Ne g̵eina te nehimu key en he menge timbang te Megbevayà, edhengyuan dey sikiyu he himuwa niw he mebpulus is gag̵ew zin keniyu.

Ipisu 4:1

Ne tenged kayi te langun, siak is pirisu tenged te midtuman ku is menge sugù te Nengazen, edhengyuan ku sikiyu he g̵eina te midhimu kew te Megbevayà he menge tumutuu zin, ul-ulaha niw is ulaula he zait he ed-ul-ulahan te tumutuu.

Ipisu 5:10

Purungi niw istudyuwi ke hengkey is menge ulaula he egkesuatan te Nengazen.

Pilipus 1:20

Ne utew ku egkesuati, wey idsarig ku ziyà te Megbevayà he layun ku metuman is ebpeveelan din kedì su wey a kenà meeled te minsan keenu he timpu lavew en guntaan. Egkesuatan ku he mezalig si Kristu tenged kedì pinaag̵i te kebpaawaa kedì kayi te pirisuwan ne emun kenà, ne mezalig si Kristu pinaag̵i te kebpatey ku.

Pilipus 2:17

Is kedtuu niw te Megbevayà, ne iring te pemuhat he edewaten din. Ne emun egkesuatan din pa he id-uman is kebpatey ku kayi te pemuhat, igkelipey ku pa. Ne igkelipey ku zaan is kedtuu niw iring te nelipey kew.

Pilipus 4:18

Nezawat ku en is impeuwit niw ne utew subra is imbeg̵ey niw. Ne kenà ad egkealang-alang su inhated en ni Ipepruditu zini is idtavang niw kedì. Iring heini te pemuhat he utew mehemut, he ke và dà egkeg̵iya, utew igkesuat te Megbevayà.

1 Tiselunika 4:1

Ne g̵untaan, menge suled, tenged te kegkesevaha tew te Nengazen tew he si Jesus, duen ebuyuen dey wey edhengyuen dey ziyan te keniyu. Impenurù dey keniyu is ed-ul-ulahan he egkesuatan te Megbevayà, ne mid-ulaula niw en. Iyan, edhengyuen dey keniyu he ipeiseg niw pa is ked-ul-ulaha niw kayi.

1 Tiselunika 4:10

Netuenan ku he ebmahalen niw en is menge tumutuu ziyà te tivuuk he prubinsya he Mesidunya. Ne edhengyuan dey pa sikiyu, menge suled, he ipeiseg niw pa is kebmahala niw ziyà te g̵ehinawa niw te langun.

1 Tiselunika 5:12

Ne menge suled, sikan is edhag̵ù te ked-uwit dan keniyu, kes menge eg̵alen niw he mibpilì te Nengazen wey sikandan is ebpenurù keniyu, edhengyuan dey sikiyu he tehuza niw sikandan.

1 Timoteo 2:3

Umba idhangyù ku heini su meupiya is ked-ampù he iring kayi. Iyan heini igkesuat te Megbevayà he Menluluwas tew

1 Timoteo 5:4

Ke zuen balu he vahi he zuen din menge anak wey menge apù, ipenurù nu kandan ke hengkey is ed-ul-ulahan dan wey zan metahud is ginikanan dan wey zan meverasi. Iyan heini egkesuatan te Megbevayà.

Pilimun 1:10

edhengyuan ku sikew he peseyluwa nu si Unisimu. Tenged te kedtuu zin ki Kristu iring sikandin te tutuu en he anak ku su pinaag̵i kedì nehimu sikandin he tumutuu zini te pirisuwan.

Pilimun 1:9

iyan, tenged te utew ka mahal zini te g̵ehinawa ku, edhangyù e zà kenikew. Siak, si Pablo, is meg̵urang wey g̵untaan pinirisu a zaan tenged te kedtuu ku ki Kristu,

Hibriyuhanen 13:22

Menge suled, edhengyuan ku sikiyu he entusa niw is kebpemineg kayi te langun he menge lalag ku keniyu su kenà utew melug̵ayad heini is insurat ku.

1 Pedro 2:20

Iyan, kenè ki zait he edtuvazan te meupiya emun iyan igkeentusa ta te kedsiluti kenita is mezaat he ulaula ta. Iyan, ke ebpekeantus ki te merasey te wazà mezaat he mid-ulaula ta, edtuvazan ki te Megbevayà.

1 Pedro 2:5

Ne sikitew zaan is mibeg̵ayan te untung he wazà pidtemanan, ebpevayàbayè kiw kandin wey kiw zaan mehimu he iring te menge vatu he pengawid te valey he zutun ed-ezapa is Megbevayà. Ne zutun te valey zin edhimuwen kiw zin en he menge memumuhat he mibpilì din. Ne zutun, pinaag̵i te kedtavang ni Jesu Kristu, ebpekepemuhat kiw ne iyan pemuhat he egkesuatan din is: ed-ezapen tew sikandin pinaag̵i te Wag̵as he Mulin-ulin.