Ruma 11:9 - Manobo Western Bukidnon

⁹ Ne tenged te kenà kedtuu te menge Hudiyu, duen daan migkag̵i zengan ni David he edhenduen te, “Berakat he tenged te menge meupiya he intuvad kandan te Megbevayà meisip dan he wazè dan salà, ne berakat he pinaag̵i kayi edsilutan sikandan.

Ruma 11:9 Кръстосани препратки

Mateo 16:23

Ne midsinaru si Jesus diyà te ki Pedro is egkag̵i te, “Sikew is ed-iring ki Setanas, awè ka zini te kediey. Egkesanggen a kenikew su wazà diyà te isip nu is egkesuatan te Megbevayà, kekenà, iyan diyà te isip nu is egkesuatan te etew!”

Lucas 12:20

Iyan, dutun migkag̵i ziyà te kandin is Megbevayà te, ‘Utew ka tulebung he etew! Guntaan dà te mezukilem egkeumuran ke en ne ebpatey kad, ne hentei vuwa is ebpekeangken te langun he menge azen nu he intag̵ù nu keniyan te valey nu?’ ”

Ruma 14:13

Ne tenged dutun, menge suled, ed-engkezan te en is kedsawey ta te menge ulaula te menge zuma ta he tumutuu. Su kinahanglan he ed-ahaan ta is kenita he menge ulaula su wey wazà minsan hengkey he ulaula ta he ibpekesalà te menge zuma ta.

Hibriyuhanen 2:2

Su is kesug̵uan he imbeg̵ey zengan te Megbevayà pinaag̵i te menge velinsug̵uen din, netuenan tew he is minsan hentei he nekesupak kayi, midsilutan te Megbevayà sumalà is supak din.