Ruma 11:7 - Manobo Western Bukidnon

⁷ Ne g̵eina te iyan haazà, egkesavut ta he is menge kevuwazan ni Israyil, ebpurungan dan pezem ebpenahaa is kegkehimu kandan he metazeng, iyan, wazà mebpulus heini ziyà te kandan. Ne minsan pa zutun, duen kenà utew mezakel he menge zuma zan he nepilì te Megbevayà ne heini mulà, midhimu en sikandan he metazeng. Ne is kezekelan, migkubalan is gehinawa zan, ne kenà ed-utengan te Lalag te Megbevayà.

Ruma 11:7 Кръстосани препратки

Marcos 6:52

Su minsan neehè dan haazà is egkein-inuwan he mibeelan ni Jesus dutun te supas wey pait, wazè dan pa mesavut ke hentei sikandin su mezesen is isip dan.

Lucas 13:24

“Himuwa niw is taman te egkehimu niw wey kew mekeseled te melig̵et he g̵emawan he idselang dutun te valey he iyan is untung he wazà pidtemanan su egkeg̵iyen ku keniyu he mezakel is egkesuat pezem he edseled dutun, iyan, kenè dan ebpekeseled.

Ruma 10:3

Su wazè dan dewata is paag̵i te Megbevayà te kebpeketerenga zin kandan. Ne iyan dan migamit is keugelingen dan he paag̵i he iyan is kedtumana te kesug̵uan ne wazè dan medsunud te paag̵i te Megbevayà te kebpeketerenga zin kandan.

Ruma 11:25

Egkesuatan ku, menge suled, he mesavut niw is ed-ul-ulahan te Megbevayà he zengan wazà mesavut te menusiyà. Umba ibpesavut ku heini keniyu su wey kenè niw isipa he iyan kew lavew kenà is menge Hudiyu. Ne minsan pa te intug̵ut te Megbevayà te zuma he menge Hudiyu is kenè dan kedtuu, duen timpu keuzemà he ed-engkezan dan is kenè dan kedtuu te Megbevayà su taman dà heini zutun te timpu he egkeamin ebpeketuu is langun he kenà menge Hudiyu he imbanglis te Megbevayà kandan is kebpeketuu zan.

Ruma 11:5

Ne iring din ded daan guntaan su zuen pa kenà utew mezakel he menge Hudiyu he nemeketuu su iyan sikandan sikan is nengepilì te Megbevayà tenged te g̵ag̵ew zin kandan.

Ruma 3:9

Ne sikami is menge Hudiyu, kunaan niw vuwa ke utew key zeyzey, kenà is menge etew he kenà menge Hudiyu, iyan, kenà heini venar. Daan ku en impesavut keniyu he is tivuuk he menusiyà, Hudiyu se kenà Hudiyu, ne pudu ebpemekeulaula te mezaat.

Ruma 6:15

Ne kunaan buwa te zuma ke tenged te kenè en kinahanglan he tumana te pa is kesug̵uan, wey tenged te ingkeg̵ag̵ew ki te Megbevayà, ne egkehimu he ebpeniguduwan te pa is ked-ulaula ta te mezaat, iyan, kenà iyan haazà egkehimu.

Ruma 9:18

Ne egketuenan ta zutun he is Megbevayà, ne iyan ebayàbayà ke hentei is igkehizu zin sumalà is egkesuatan din te minsan hentei. Ne iyan daan sikandin ebayàbayà ke hentei is idtug̵ut din he kenà ebpezumazuma kandin sumalà is egkesuatan din te minsan hentei.

Ruma 9:23

Ne iyan heini mid-ulaula zin su wey sikita is egkehizuwan din, ikepesavut din kenita ke hengkey is utew meupiya he kebpekesavuk din su midteg̵enahan ki zin wey ki zin keuzemà metulus.

1 Kurintu 10:19

Iyan ibpesavut ku kayi is: baal zà te etew is ledawan he ed-ezapen te menge etew ne ke zuen egkeenen he ibpemuhat dutun, ne egkeenen dà duen su kenà tutuu he ed-ezapen haazà is ledawan.

2 Kurintu 3:14

Su zutun neelangan daan is menge kedsavut dan. Ne wazà daan mahalin heini g̵untaan su kemulu pa neelangan is kedsavut te menge Hudiyu. Ne emun ebasa zan mehitenged te zaan he paag̵i kenè dan egkesavut. Ne emun duen kandan edtuu ki Kristu, id-awà te Megbevayà is ebpekealang te isip din ne human sikandin ebpekesavut.

2 Kurintu 4:4

Kenè dan edtuu su mid-elangan is isip dan ni Setanas he iyan ed-ezapen te menge etew kayi te kelibutan. Tenged kayi kenà egketeyawan is isip dan te Meupiya he Tudtulanen mehitenged te utew kegkelavew ni Kristu. Pinaag̵i ki Kristu egkesayud ki ke hentei is Megbevayà su iyan sikandin dagwey te Megbevayà.

Ipisu 1:4

Dengan te wazè pa limbag̵a is kelibutan, mibpilì kiw en te Megbevayà. Iyan impilia zin kenitew su wey kiw mehimu he menge sakup din he wazà igkesewayi zuen.

Ipisu 4:18

Wazè dan hanew te hustu he ibayà ne wazè dan untung he ibeg̵ey te Megbevayà, geina te nengepaglung sikandan tenged te kezesen te g̵ehinawa zan.

Pilipus 1:18

Iyan, nasì ku igkelipey heini is menge vaal zan su ke hustu is tuyù dan wey minsan ke mezaat, maambe en, asal mevantug dan si Kristu.

Hibriyuhanen 12:17

Ne neug̵et dutun neisip din he meupiya ke iyan sikandin is kakey penubtuvazi te amey zin wey metuvazi sikandin te Megbevayà, iyan, wazà mehimu su kenè en egkehimu he edhewien din pa maan is inliwè din en, minsan pa te nekesineg̵ew sikandin is edhangyù.

1 Pedro 1:2

Nengaaram kew te Megbevayà he Amey tew sumalà is kebayè din dengan he iyan is: edhimuwen kew zin he metazeng pinaag̵i te Wag̵as he Mulin-ulin wey kew mehimu he menge sakup ni Jesu Kristu ne wey kew zaan mepesaylu tenged te kebpelisi keniyu te lengesa ni Jesus. Berakat he ikeg̵ag̵ew kew zin wey mebmelinawen kew utew.