Ruma 11:32 - Manobo Western Bukidnon

³² Su is Megbevayà, ne impeehè din he mesinupaken wey zait he edsilutan is minsan hentei he menusiyà. Impeehè din heini su wey, pinaag̵i kayi, mehimu zaan he egkehizuwan din sikandan is langun.

Ruma 11:32 Кръстосани препратки

Juan 1:7

su wey zin ikepenurù diyà te menge etew he iyan si Jesu Kristu sikan is tutuu he kerayag, su wey meketuu is tivuuk he menusiyà pinaag̵i zutun te penurù.

Juan 12:32

Ne siak, emun ibayew ad pinaag̵i te tukud he ibpehitindeg, duen ibpekekabig ku te langun he menge etew.”

Ruma 11:31

Ne iring din ded daan diyà te kandan, su minsan pa te kenè dan guntaan ebpemineg, egkehimu he iring te kegkehizuwi wey kebpeseyluwa keniyu te Megbevayà, egkehizuwan din daan sikandan keuzemà.

Ruma 3:22

Ed-isipen kiw te Megbevayà he metazeng emun edtuuwan tew si Jesu Kristu. Is minsan hentei he etew, ne ed-isipen te Megbevayà he metazeng emun edtuuwan din si Jesu Kristu su wazà ibpelavi te Megbevayà te minsan hentei he etew.

Ruma 3:9

Ne sikami is menge Hudiyu, kunaan niw vuwa ke utew key zeyzey, kenà is menge etew he kenà menge Hudiyu, iyan, kenà heini venar. Daan ku en impesavut keniyu he is tivuuk he menusiyà, Hudiyu se kenà Hudiyu, ne pudu ebpemekeulaula te mezaat.

Ruma 5:19

Ne tenged te kedsupak te sevaha zà he etew nehimu is mezakel he mekesesalà, iyan, tenged daan te kebmetinumanen te sevaha zà he etew he si Jesus te ebpeveelan kandin te Megbevayà, egkehimu he ed-isipen te Megbevayà he metazeng is mezakel he menge etew.

Gelasya 3:22

Iyan, impesavut kenitew te insurat he Lalag te Megbevayà he sikitew is tivuuk he menusiyà, sakup kiw en pudu te mezaat he kebayè tew. Ne tenged kayi, wey zà edtumana te Megbevayà is menge penaad din kenita ke edsarig kiw kandin. Wey kiw zà egkeveg̵ayi te untung he wazà pidtemanan ke zuen tew kedtuu.

Gelasya 3:23

Ne te wazè pa ipezayag kenitew he egkekuwa tew is untung pinaag̵i te kedtuu ki Jesus, iring te nepirisu kiw te kesug̵uan. Nehimu is kesug̵uan he iring te guwardya he ebantey kenitew wey kiw kenà mekeawà taman te kenè pa ibpezayag kenitew is paag̵i he iyan is kedtuuwi ki Jesu Kristu.