Ruma 11:28 - Manobo Western Bukidnon

²⁸ Ne is duma he menge Hudiyu, ne nehimu sikandan he menge kuntada te Megbevayà tenged te wazè dan medtuu te Meupiya he Tudtulanen. Ne tenged dutun nehimu he iyan kew is kenà menge Hudiyu, nelibri te silut. Ne minsan pa zutun, kemulu pa mahal ziyà te g̵ehinawa te Megbevayà is menge Hudiyu tenged te pinilì din sikandan wey tenged te menge penaad din dengan diyà te menge kepuun dan.

Ruma 11:28 Кръстосани препратки

Mateo 21:43

Umba,” ke si Jesus, “benar iyan he kenè kew en maan is menge Hudiyu edhedian te Megbevayà su iyan din edhedian is menge etew he edtuman te egkesuatan din.

Lucas 1:54

Is impenaad din dengan diyà te menge kepuun tew he si Abraham wey is menge kevuwazan din, wazè din lipati. Midtevangan kiw zin is menge sulug̵uen din he kevuwazan ni Israyil. Ne egkehizuwan kiw zin daan te wazà pidtemanan is menge nepilì din he etew he menge kevuwazan ni Abraham,” ke si Maria.

Nengeulaula 14:2

Ne sikan is menge Hudiyu he wazà medtuu, midhimu zan he mengepauk te menge tumutuu is kenà menge Hudiyu.

Nengeulaula 18:6

Ne hein wazè dan dewata su edsumpalit sikandan kandin, inhuyab din is kumbalè din he tuus te mid-engkezan din en sikandan. Ke sikandin te, “Kenè en kediey he salà ke edsilutan kew te Megbevayà. Ne g̵untaan diyè ku en ibpesavut is Lalag te Megbevayà te kenà menge Hudiyu.”

Ruma 11:11

Ne nekeurambak is menge zuma ku he Hudiyu pinaag̵i te kenè dan kedtuu ki Kristu, iyan, kenè niw isipa he kenà egkehimu te Megbevayà he mekelikù dan te kedtuu. Tenged te kenè dan kebpemineg te Lalag te Megbevayà nehimu he nengelibri te silut is menge kenà Hudiyu su wey meima is menge Hudiyu. Ne umba nehimu heini su wey likui te menge Hudiyu is kedtuu zan ke egkeehè dan he nengelibri en is kenà menge Hudiyu.

Ruma 11:30

Ne sikiyu zaan is kenà menge Hudiyu, dengan wazè kew mebpemineg te Megbevayà, iyan, guntaan nehizuwan kew zin tenged te kenà guntaan kebpemineg te menge Hudiyu.

Ruma 11:7

Ne g̵eina te iyan haazà, egkesavut ta he is menge kevuwazan ni Israyil, ebpurungan dan pezem ebpenahaa is kegkehimu kandan he metazeng, iyan, wazà mebpulus heini ziyà te kandan. Ne minsan pa zutun, duen kenà utew mezakel he menge zuma zan he nepilì te Megbevayà ne heini mulà, midhimu en sikandan he metazeng. Ne is kezekelan, migkubalan is gehinawa zan, ne kenà ed-utengan te Lalag te Megbevayà.

Ruma 5:10

Su zutun te timpu zengan he kemulu ki kuntada te Megbevayà, tenged te kebpehimatey te Anak din, nehimu ki he emig̵u zin. Ne emun iyan haazà, guntaan te emig̵u ki zin en, wey ki pe be kenà mehimu he melibri keuzemà te silut tenged te nevanhew en sikandin.

Ruma 9:5

Mibpilì din dengan is menge kepuun dan. Ne hein mibpeetew si Kristu he iyan Megbevayà he ebayàbayà te langun, in-anak sikandin he zuma zan he Hudiyu. Berakat he zelig̵a sikandin te wazè din pidtemanan.