Ruma 11:24 - Manobo Western Bukidnon

²⁴ Ne sikiyu is kenà menge Hudiyu, kenè kew tutuu he menge subpang dutun te kayu su ziyè kew ebpuun te kayu he kenà pinemula, ne midhimu kew zin he subpang dutun te kayu he ed-elimahan din. Ne emun egkehimu heini keniyu te ebpuun te kayu he kenà pinemula, wey pe be kenè din egkehimu he idlikù din sikan is tutuu he menge subpang dutun te zaan he ebpuunan dan.

Ruma 11:24 Кръстосани препратки

Ruma 11:23

Ne is menge Hudiyu, emun ed-engkezan dan is kenè dan kedtuu kandin, idlikù sikandan te Megbevayà duen te zaan he ebpuunan dan dutun te puun te kayu su egkehimu zin is kedlikua zin kandan.

Ruma 11:25

Egkesuatan ku, menge suled, he mesavut niw is ed-ul-ulahan te Megbevayà he zengan wazà mesavut te menusiyà. Umba ibpesavut ku heini keniyu su wey kenè niw isipa he iyan kew lavew kenà is menge Hudiyu. Ne minsan pa te intug̵ut te Megbevayà te zuma he menge Hudiyu is kenè dan kedtuu, duen timpu keuzemà he ed-engkezan dan is kenè dan kedtuu te Megbevayà su taman dà heini zutun te timpu he egkeamin ebpeketuu is langun he kenà menge Hudiyu he imbanglis te Megbevayà kandan is kebpeketuu zan.

Ruma 11:30

Ne sikiyu zaan is kenà menge Hudiyu, dengan wazè kew mebpemineg te Megbevayà, iyan, guntaan nehizuwan kew zin tenged te kenà guntaan kebpemineg te menge Hudiyu.