Ruma 11:23 - Manobo Western Bukidnon

²³ Ne is menge Hudiyu, emun ed-engkezan dan is kenè dan kedtuu kandin, idlikù sikandan te Megbevayà duen te zaan he ebpuunan dan dutun te puun te kayu su egkehimu zin is kedlikua zin kandan.

Ruma 11:23 Кръстосани препратки

Mateo 23:39

Su egkeg̵iyen ku keniyu he kenè ad maan keniyu egkeahà taman dutun te timpu keuzemà he ebpekekag̵i kew te, ‘Delig̵a is nekeuma he midsug̵ù te Nengazen.’ ”

Ruma 11:17

Is menge kevuwazan ni Israyil, ne iring sikandan te kayu he ulivu he ed-elimahan te Megbevayà. Ne zuen menge subpang dutun te kayu he midtamped te Megbevayà. Ne sikiyu is kenà menge Hudiyu, ne iring kew te menge subpang te wazà ipemula he ulivu he in-ilis te Megbevayà he impetuvù din dutun te midtempezan din te subpang. Ne iring ded daan guntaan utew meupiya is kedtuvazi keniyu te Megbevayà, iring te meupiya zaan is kedtuvazi zin dengan te menge Hudiyu.

Ruma 11:24

Ne sikiyu is kenà menge Hudiyu, kenè kew tutuu he menge subpang dutun te kayu su ziyè kew ebpuun te kayu he kenà pinemula, ne midhimu kew zin he subpang dutun te kayu he ed-elimahan din. Ne emun egkehimu heini keniyu te ebpuun te kayu he kenà pinemula, wey pe be kenè din egkehimu he idlikù din sikan is tutuu he menge subpang dutun te zaan he ebpuunan dan.

2 Kurintu 3:16

Iyan, id-awà is ebpekealang te kedsavut te etew emun edtuuwan din is Nengazen.

Hibriyuhanen 3:19

Ne netuenan tew he wazè dan mekeseled dutun su wazè dan tuuwi is Lalag te Megbevayà.