Ruma 11:22 - Manobo Western Bukidnon

²² Ne pinaag̵i kayi egkesavut ta is gag̵ew te Megbevayà wey ke maan is edsilut sikandin. Midsilutan din is wazà mebpemineg, iyan, igkehizu kew zin ke edhemenan niw is gag̵ew zin, su emun kenà, ne id-awè kew zin daan.

Ruma 11:22 Кръстосани препратки

Lucas 8:15

Ne haazà is benì he ziyà mengeulug te meupiya he tanà, ne iyan egkeg̵iyen dutun is Lalag te Megbevayà he nezineg te menge etew ne midawat dan, ne midtuman dan haazà, ne mibpeniguduwan dan te edtuman taman te mibpulus te zekelà is Lalag te Megbevayà diyà te kandan.”

Juan 15:2

Ke zuen subpang ku he kenà ebpemeg̵as, id-awè din. Ne is langun he menge subpang ku he ebpemeg̵as, edlumpiyuwan din su wey mekesigudu mekepemeg̵as.

Juan 8:31

Ne migkeg̵iyan ni Jesus is menge Hudiyu he nemeketuu kandin, ke sikandin te, “Emun kenè niw ed-engkezan is kedtumana niw te menge penurù ku keniyu, ne human tutuu he menge sumusundan ku sikiyu.

Nengeulaula 11:23

Ne hein nekeuma si Bernabe, neehè din he utew zekelà is tuvad te Megbevayà te menge etew, ne heini, utew zin ingkelipey. Inhangyù din kandan he hemeni zan wey heg̵eta zan is kedtuu zan te Nengazen.

Nengeulaula 14:22

Ne impesavut dan te menge tumutuu zutun is ibmezesen te kedtuu zan. Migkag̵i zan kandan he kinahanglan he kenè dan engkezi is kedtuu zan ki Jesus. Ke sikandan te, “Sikita is tumutuu, wey ki zà egkehedii te Megbevayà ke egkeantus ta is mezakel he kemereg̵enan.”

Ruma 11:21

Su emun midtamped te Megbevayà is menge tutuu he menge subpang, he ke và dà egkeg̵iya, is menge Hudiyu, iyan kew pe be kenè din daan tempeza is subpang te wazà ipemula he ulivu ke kenè kew is kenà menge Hudiyu edtuu.

Ruma 2:7

Iyan, duen menge etew he edhemenan dan is meupiya he ulaula su iyan ed-isipen dan layun is kedelig̵a wey is kedtulusa kandan keuzemà te Megbevayà wey is kegketehuza zin kandan keuzemà. Ne untung he wazè din pidtemanan is ibeg̵ey zin kandan.

1 Kurintu 15:2

Ne pinaag̵i kayi te Meupiya he Tudtulanen he impenurù ku keniyu, egkelibri kew te silut te Megbevayà emun kenè niw ed-engkezan. Su emun ed-engkezan niw kenè bes hustu is kedtuu niw.

Gelasya 6:9

Umba kenè ki ebpepepeg̵ul te ked-ulaula te meupiya su emun ebpeniguduwan ta heini, egkeuma is timpu keuzemà he zuen idsuhul kenita te Megbevayà he utew meupiya.

1 Tiselunika 3:5

Ne tenged kayi hein kenè ku en egkeantus is kegkeipeng ku keniyu, midsug̵ù ku ziyan si Timoteo wey ku metueni ke nemenumenu en is kedtuu niw. Nahandek a su kela ke nepenulayan kew ni Setanas ne naawà is pulus te kedhag̵ù dey ziyan te keniyu.

1 Tiselunika 3:8

Ne g̵untaan mibmeupiya en utew is kebpekesavuk dey su netuenan dey en he mezesen ded bes is kedtuu niw te Nengazen.

Hibriyuhanen 10:23

Edhemenan tew is meheg̵et he kebperateng te kedtulusa kenitew keuzemà te wazà duwazuwa su netuenan tew he metinumanen is Megbevayà ne edhimuwen din is impenaad din kenitew.

Hibriyuhanen 3:14

Su sikitew, emun edhemenan tew is daan he kedsarig tew ki Kristu, duen tew pudu upakat kandin.

Hibriyuhanen 3:6

Ne si Jesus mulà, Anak sikandin te Megbevayà he metinumanen is kebayàbayè din te valey. Ne iyan kiw valey zin emun edhemenan tew is kedsundan tew kandin wey is melipayen he kedteg̵azi tew te langun he impenaad kenitew ni Kristu.

1 Juan 2:19

Ne heini is menge kuntada ni Kristu, kenè tew sikandan tutuu he menge zuma su umba mid-ewaan kiw zan. Angin ke tutuu zan he zuma tew su wazè kiw zan geina ewai. Tenged te ked-awè dan egketuenan ta he kenè dan tutuu he menge zuma tew.

Impezayag 2:5

Tentenuzi niw sikan is kedekelaa niw zengan kediey ziyà te g̵ehinawa niw; iniyug̵i niw is mezaat he ulaula ne ul-ulaha niw is meupiya he mid-ulaula niw zengan su emun kenà, ebeyaan ku sikiyu. Ne id-awè ku is sulù niw ziyà te selevukè din emun kenè niw edlikuan is daan he ulaula niw.