Is menge kevuwazan ni Israyil, ne iring sikandan te kayu he ulivu he ed-elimahan te Megbevayà. Ne zuen menge subpang dutun te kayu he midtamped te Megbevayà. Ne sikiyu is kenà menge Hudiyu, ne iring kew te menge subpang te wazà ipemula he ulivu he in-ilis te Megbevayà he impetuvù din dutun te midtempezan din te subpang. Ne iring ded daan guntaan utew meupiya is kedtuvazi keniyu te Megbevayà, iring te meupiya zaan is kedtuvazi zin dengan te menge Hudiyu.
Ruma 11:16 - Manobo Western Bukidnon16 Ne g̵eina te neg̵aked te Megbevayà si Abraham, si Isaak, wey si Hakub, is menge kepuun te menge Hudiyu, kenà egkehimu he kenà daan gaked te Megbevayà is menge kevuwazan dan. Emun gaked te Megbevayà is dalid te kayu, kinahanglan he g̵aked din daan is lawa. Вижте главата |
Ruma 11:16
17 Кръстосани препратки
Ne kenà duen dà taman, su sikita zaan is nekezawat te Wag̵as he Mulin-ulin he iyan tuus he zuen pa keuzemà ibeg̵ey kenita te Megbevayà, utew egkeheg̵et is kebperetenga ta kayi. Su utew ta egkesuati he meume en haazà is timpu he zutun edhimesazen te Megbevayà is ked-anak-anak din kenita wey edtumanen din is kedtulusa zin te lawa ta.
Su sikiyu is nemeketuu te Nengazen tew he si Jesus he zuen esawa niw he kenà tumutuu, edtuvazan daan te Megbevayà is esawa niw tenged keniyu minsan ke wazà sikandin medtuu, ne edtuvazan din daan is menge anak niw. Su emun kenà heini tutuu, ebpekeiring is menge anak niw te menge anak te menge etew he wazà medtuu te Nengazen.
Iyan haazà he menge maama he wazè dan mekesalà pinaag̵i te kedhilavet te kenè dan esawa su utew lumpiyu is menge ulaula zan ne wazè dan suwayi sikan is nati he kerehidu te minsan hendei sikandin ebpevayà. Mibelukasan sikandan puun duen te perayan he iyan is tivuuk he menusiyà wey zan mehimu he iyan nepengilizan dutun wey ikeveg̵ey sikandan diyà te Megbevayà wey ziyà te nati he kerehidu.
Реклами