Ruma 10:4 - Manobo Western Bukidnon

⁴ Su midhimu ni Kristu he wazè en pulus te kedsarig te kedtuman te kesug̵uan su wey is minsan hentei, pinaag̵i zà te kedtuu ki Kristu, ebpeketezengen sikandin te Megbevayà.

Ruma 10:4 Кръстосани препратки

Mateo 3:15

Ne midtavak si Jesus, ke sikandin te, “Kenà, su kinahanglan he ebeelan ta is iring kayi wey ta meveeli is langun he egkesuatan te Megbevayà.” Ne zutun human mebpezumazuma si Juan, ne mibewtismuwan din si Jesus.

Juan 1:17

Ne pinaag̵i ki Moises imbulus te Megbevayà sikan is menge kesug̵uan, iyan, pinaag̵i ki Jesus imbulus te Megbevayà is gag̵ew zin kenitew wey is tutuu he tuluuwen.

Ruma 3:22

Ed-isipen kiw te Megbevayà he metazeng emun edtuuwan tew si Jesu Kristu. Is minsan hentei he etew, ne ed-isipen te Megbevayà he metazeng emun edtuuwan din si Jesu Kristu su wazà ibpelavi te Megbevayà te minsan hentei he etew.

1 Kurintu 1:30

Ne minsan pa zutun, midhimu te Megbevayà he mesevaha si Jesu Kristu wey sikitew ne midhimu zin daan he zuen ketau tew he ebpuun te ki Kristu. Ne pinaag̵i ki Kristu mid-isip kiw en he metazeng te Megbevayà ne nehimu kiw en daan he menge g̵aked te Megbevayà, ne nevelukasan kiw zin te kegkeuripen tew te mezaat he ulaula.

Gelasya 3:24

Nehimu zaan is kesug̵uan he iring te ed-uyamu he iyan ebayàbayà kenitew te iring te menge vatà taman dà te kebpekeuma ni Kristu su wey, ke ebpekeuma si Kristu, meisip kiw te Megbevayà he metazeng pinaag̵i te kedtuu tew kandin.

Gelasya 4:5

su wey kiw zin melibri is langun he zizalem te kesug̵uan ne wey kiw zaan mehimu he menge anak te Megbevayà.

Kulusas 2:10

Ne sikiyu zaan, pinaag̵i te kebpekidsevaha niw ki Kristu, nekepurung kew en mekeazen te untung he imbeg̵ey keniyu ni Kristu. Ne iyan si Kristu sikan is edhadì te minsan hentei he kedesenan he zuen din keg̵ehem wey kebayàbayà.

Kulusas 2:17

Su is menge iring dutun, ne nehimu zengan he alung dà. Ne ziyè pa te huziyan is teg̵ialung dutun he iyan si Kristu.

Hibriyuhanen 10:14

Ne tenged kayi te kesevaha zà he kebpemuhat din diyà te Megbevayà, sikitew is mibpelisan din te salà, midhimu kiw zin he metazeng te wazà pidtemanan.