Ruma 10:2 - Manobo Western Bukidnon

² Netuenan ku he utew mezesen is kedtumana zan te tuluuwen dan he kunaan dan ke egkesuatan te Megbevayà, iyan, wazè dan metueni is hustu he egkesuatan te Megbevayà.

Ruma 10:2 Кръстосани препратки

Juan 16:2

Su id-awè dan is ketenged niw te kedseled diyà te simbahan, ne kenà iyan dà heini su keuzemà ke zuen edhimatey keniyu, kunaan din ke igkesuat te Megbevayà haazà is mibeelan din.

Nengeulaula 21:20

Ne hein nezineg dan haazà is tudtul ni Pablo, nemekezalig dan te Megbevayà. Ne migkeg̵iyan dan si Pablo te, “Netuenan nu, Suled, he utew zaan mezakel is menge zuma tew he Hudiyu he nemeketuu en ki Jesus, ne mibpurungan dan tumana is imbilinbilin kenitew he kesug̵uan.

Nengeulaula 21:28

Ne mibpememensag dan is egkag̵i te, “Sikiyu is menge zuma zey he Isreyilihanen, tevangi key! Iyan heini sikan is etew he in-eneb din is penurù din te minsan hendei he inged. Ne supak is impenurù din te tivuuk he kehudiyuwan wey supak daan te kesug̵uan tew wey kayi te simbahan tew. Ne g̵untaan impeseled din en kayi te simbahan tew is kenà menge Hudiyu ne neremerikan heini is simbahan he ebulusan te Megbevayà.”

Nengeulaula 22:22

Ne te nekag̵i haazà ni Pablo wazè en mebpemineg haazà is menge etew. Mibpememensag dan te, “Himetayi en su zait he edhimetayan!”

Nengeulaula 22:3

“Hudiyu e man; diyà a ianak te prubinsya he Silisya, diyà te inged he Tarsu asal kayi a medekelà te Hiruselim su mibpenurù a ni Gemelil. Impenurù kediey is kebpurungi kedtumana te kesug̵uan he nesunud te g̵in-epuan tew. Utew meheg̵et dutun is kedtumana ku te kunaan ku he ibpetuman kedì te Megbevayà su iring a keniyu g̵untaan.

Ruma 10:1

Menge suled, utew ad egkesuat ke egkengelibri te silut te Megbevayà is menge zuma ku he Hudiyu ne iyan heini id-ampù ku layun te Megbevayà.

Ruma 10:3

Su wazè dan dewata is paag̵i te Megbevayà te kebpeketerenga zin kandan. Ne iyan dan migamit is keugelingen dan he paag̵i he iyan is kedtumana te kesug̵uan ne wazè dan medsunud te paag̵i te Megbevayà te kebpeketerenga zin kandan.

2 Kurintu 4:4

Kenè dan edtuu su mid-elangan is isip dan ni Setanas he iyan ed-ezapen te menge etew kayi te kelibutan. Tenged kayi kenà egketeyawan is isip dan te Meupiya he Tudtulanen mehitenged te utew kegkelavew ni Kristu. Pinaag̵i ki Kristu egkesayud ki ke hentei is Megbevayà su iyan sikandin dagwey te Megbevayà.

2 Kurintu 4:6

Su zutun te kedlimbag̵a te Megbevayà te langun migkag̵i sikandin te, “Maawà is kerusireman ne mehimu is kerayag.” Ne iyan daan sikandin kes midtayew te isip dey su wey zey mesavut ke hengkey is gehem te Megbevayà he impezayag pinaag̵i ki Jesu Kristu.

2 Kurintu 8:3

Ebpeketistig̵us a he midhimu zan is taman te egkehimu zan, ne subra pa te egkehimu zan is imbeg̵ey zan he ebpuun te keputian te atey zan.

Gelasya 1:14

Is menge zuma ku he menge Hudiyu he serenganè ku te penuig̵en, wazà nekerepeng kedì te kebenteyani ku te menge tuluuwen dey te menge Hudiyu. Ne wazà kandan kedì nekerepeng te kebenteyani te imbilinbilin he menge vetasan te g̵inepuan dey.

Gelasya 4:15

Utew a zengan keniyu ingkeg̵alew, su ke egkehimu zà ne egkeluten niw is mata niw ne ibeg̵ey niw kedì. Iyan e en mismu ebpekekag̵i kayi mehitenged keniyu. Ne g̵untaan, maan is nahalin en is gehinawa niw?

Pilipus 1:9

Ne id-ampù ku he med-iseg is kebpepurpurungè niw, is kegketueni niw te menge ulaula te Megbevayà, wey is ketau niw te ked-isip

Pilipus 3:6

Ne tuus te utew meheg̵et dini te g̵ehinawa ku is kedtumana ku te menge tulumanen dey te menge Hudiyu, su mibpemesipelahan ku is menge tumutuu ki Jesus. Ne sumalà te kedtumana ku te kesug̵uan he imbilinbilin ni Moises wazè ku netuenan he supak ku te Megbevayà.

Kulusas 4:13

Iyan igkekeg̵iya ku kayi ziyan te keniyu su egkesuatan ku he metueni niw he zekelà is kedhag̵ù ni Ipapras wey kew mezeyzey ne kenà iyan kew zà, kekenà, ragkes daan is menge tumutuu ziyà te inged he Leudisiya wey ziyà te inged he Hirepulis.