Ruma 10:14 - Manobo Western Bukidnon

¹⁴ Iyan, kenà egkehimu he ebpetavang te Nengazen tew he si Jesu Kristu is menge etew he wazà meketuu kandin. Ne kenà daan egkehimu he edtuu te Nengazen is menge etew he wazè pa metudtuli mehitenged kandin. Ne kenà sikandan egkeumahan te tudtul ke wazà ebpenudtul ziyà te kandan.

Ruma 10:14 Кръстосани препратки

Mateo 20:7

Ne midtavak dan te, ‘Geina te wazà ebpeterebahu kenami.’ Ne migkag̵i haazà is etew te, ‘Terebahu kew ziyà te perasan ku.’

Juan 20:31

Ne iyan insurata ku kayi te menge egkein-inuwan su wey kew meketuu he iyan si Jesus Anak te Megbevayà wey sikan is mibpilì te Megbevayà he ibpahadì, ne emun edtuu kew kandin ebeg̵ayan kew te untung he wazà pidtemanan.)

Juan 9:36

Ne midtavak haazà is etew te, “Keg̵iya nu kediey ke hentei sikandin su wey a meketuu kandin.”

Nengeulaula 19:2

Ne mid-insaan din sikandan te, “Hein neketuu kew ki Jesus mid-ulinan kew ve te Wag̵as he Mulin-ulin?” Ne midtavak dan te, “Wazà. Sikan dey pa mezineg he zuen Wag̵as he Mulin-ulin.”

Nengeulaula 8:31

Ne midtavak haazà is upisyal te, “Ebmenumenu a te kedsavut kayi te wazà edseysey kedì?” Ne impeuntud din si Felipe.

Ruma 1:5

Pinaag̵i ki Jesu Kristu midtuvazan a te Megbevayà su midhimu e zin he epustul, he ke và dà egkeg̵iya, sug̵ù, su wey mevantug si Jesus. Umba mid-ulaula zin heini su wey ku mepenurù is menge etew he kenà menge Hudiyu ziyà te minsan hendei he inged wey zan mekepemineg ne wey zan meketuu ki Jesu Kristu.

Ipisu 2:17

Midhendini si Kristu te kelibutan ne impesavut din kenitew is Meupiya he Tudtulanen mehitenged te kelinew. Sikiyu is kenà menge Hudiyu wey sikami is menge Hudiyu, impesavut din kenitew is kelinew te kedepitè tew ziyà te Megbevayà.

Ipisu 4:21

Tutuu iyan he impesavut keniyu is keag̵i ni Kristu ne impesavut daan keniyu is tutuu he tuluuwen he impenurù din.

2 Timoteo 4:17

Minsan pa zutun midtevangan a te Nengazen ne midlig-enan e zin ne tenged dutun nepurungan ku te edsangyew is Meupiya he Tudtulanen diyà te langun he menge etew zutun he kenà menge Hudiyu. Ne tenged dutun nelibri a ne wazà a mehimetayi.

Hibriyuhanen 11:6

Is etew he wazè din kedtuu te Megbevayà, kenà egkehimu he egkesuatan te Megbevayà is menge ulaula zin. Su is etew he ebpetavang te Megbevayà, kinahanglan he edtuuwen din he zuen Megbevayà, ne kinahanglan daan he edtuuwen din he edtuvazan te Megbevayà te meupiya is minsan hentei he edhag̵ù he ebpen-ahà te paag̵i wey sikandin mekepekid-emig̵u te Megbevayà.

Santiago 5:15

Is ked-ampù dan, emun hustu is kedsarig dan te Megbevayà, ne iyan igkeulii te egkezeruwan su ebewian sikandin te Nengazen, ne egkepesaylu sikandin te menge salè din.