Ruma 10:1 - Manobo Western Bukidnon

¹ Menge suled, utew ad egkesuat ke egkengelibri te silut te Megbevayà is menge zuma ku he Hudiyu ne iyan heini id-ampù ku layun te Megbevayà.

Ruma 10:1 Кръстосани препратки

Lucas 13:34

Ne zutun netenuzan ni Jesus is menge ulaula te menge meg̵inged te Hiruselim ne ke sikandin te, “Igkeseeng ku sikiyu is menge meg̵inged diyà te Hiruselim su ebpemunuen niw is ebpemeneuven te Megbevayà ne is menge sulug̵uen te Megbevayà he ibpehendiyàn, ebpenulengen niw te vatu he edhimetayan niw. Utew zekelà is suat ku pezem he ed-uyemuwen ku sikiyu; ke và dà manuk, iring a te upa he edlekupan din is menge piyak din ne kenè kew ebpelekup.

Juan 5:34

Kenà a egkinahanglan he zuen etew zà duen he ebpenistig̵us kediey, iyan, midhimu ku he metenuzi niw is kebpenistig̵us ni Juan su wey kew meketuu kediey ne egkeveg̵ayan kew te untung.

Ruma 10:2

Netuenan ku he utew mezesen is kedtumana zan te tuluuwen dan he kunaan dan ke egkesuatan te Megbevayà, iyan, wazè dan metueni is hustu he egkesuatan te Megbevayà.

Ruma 9:33

Su zuen insurat he Lalag te Megbevayà he edhenduen te, “Duen idsavuk ku he vatu ziyà te inged te menge Hudiyu he Siyun. Egkesipà heini te menge etew ne ebpekeurambak dan, iyan, ke zuen edsarig kayi te vatu, kenè en ebkepeel-elezan.”